کولت. آذ موللا ولی ودادینین "کؤنلومو" آدلی شعیرینی تقدیم ائدیر:

ای همدمیم، سنی قانه قرق ائلر،
گل ترپتمه یارالانمیش کؤنلومو.
آیری دوشموش وطنین‌دن، ائلین‌دن،
همدردیندن آرالانمیش کؤنلومو.
کؤنول وئردیک هر بیوفا یادلارا،
حاییف اولدو عؤمور، گئتدی بادلارا،
فلک سالدی دورلو-دورلو اودلارا
شان-شان اولموش، پارالانمیش کؤنلومو.
قان‌لی یاشیم گون‌دن-گونه بوللان‌دی،
آخدی، آخدی سینه‌م اوسته کؤله‌ندی،
یئنه غم سینه‌می میندی یوللان‌دی،
هئچ بیلمزه‌م یارالانمیش کؤنلومو.
گؤزوم یاشی گوندن-گونه فرق ائلر،
عیب ائلمک منی قانا قرق ائلر،
رؤوشن ائتمز یوز مین گوهش - برق ائلر-
بو مهنت‌ده قارالانمیش کؤنلومو.
ودادییه‌م خسته گؤزوم مردمی،
ایتیرمیشه‌م قوشونومو، اوردومو،
چوخ طبیبه شرح ائیلدیم دردیمی،
هئچ گؤرمدیم چارالانمیش کؤنلومو.