آنا صحیفه ادبیات |
بیری واریدی.بیری یوخ ایدی.بیر تاجیر واریدی.اونون ایشی پامبیق آل-وئر ائلهمک ایدی.ایشی چوخ توتموشدو.واری-ثروتی حددن آشمیشدی.باشقا بزیرقانلار(بازرگانلار)اونا پاخیللیق ائلردیلر.
بیر گون بزیرقانلارین بیری نقشه چکدی آخشام اونون آنبارینا اوغورلوغا گئتسین لر.
گئجه یاریسی اونون بوتون پامبیغلارینی آنباریندان چکیب ائوینین زئرزمیسینه ییغدیردی.
صوبح تاجیر گوردو دَدَم وای ،َ لهله وار-یوردو یوخدو.بوتون پامبیغلاری اوغورلانیب.ایکی اَلی اولدو بیر باشی.
قاضی حضورونا قاچیب،ائویم ییخیلیب دئدی.بیر عؤمور چالیشدیغیمی بیر گئجه ده آپاریبلار.
قاضی مأمورلارینا امر ائتدی بازارا گئدیب،سؤال-جاواب ائدیب اوغرونو تاپسینلار.آمما نه اوغرو تاپیلدی نه ده پامبیغلار.
قاضی:هئچ کیمسهیه شوبههلنمه دینیز؟
-نئیه.بعضیلر سؤال ائدنده تته-پتهیه دوشدولر اونلارا شوبههلندیک.
-گئدین اونلاری قولو باغلی محکمهیه گتیرین.
مأمورلار گئدیب او آداملاری گتیردیلر.
قاضی پامبیق تاجیرینه اوْز توتوب دئدی:بونلارا یاخشی باخ،هانسی پامبیغلارینین اوغروسو دیر؟
-هئچ بیریسی.
قاضی ساققالینی تومارلاییب فیکره دالیب سونرا دئدی:
-آمما من اوغرونو تانیدیم.یازیق اوغرو او قدر ال-آیاغینی ایتیریب کی پامبیغلاری باش گؤزوندن، ساققالیندان تمیزلَمهییب.
آنسیزین توتولان تاجیرلرین بیری پامبیغی تمیزلَمهیه الینی ساققالینا آپاردی.تئز-تئز ساققالیندان اولمایان پامبیغی تمیزلمهیه باشلادی.
قاضی دئدی:اوغرو بو دَجَل کیشی دیر.الان مأمورلاری ائوینی آراماق اوچون یوللاییم.بیر ساعات سونرا مأمورلار پامبیغلار گیزلدیلن آنباری تاپیب قاضی یه خبر وئردیلر.
عزیز بالالاریم، آتا-بابالاریمیز دئییبلر:اَیری یوک منزیله چاتماز.
خوروزون قویروغو دا گورسهنیب،خاطاکار اینسان دا نهایتده اؤزونو لو وئریب بللندیرر.
تاریخ
2020.07.03 / 13:08
|
مولف
Axar.az
|