آنا صحیفه ادبیات |
آذربایجان خالقینین ملی دولتچیلیک یولوندا آپاردیغی مباریزهنین ایشتیراکچیسی و رهبرلریندن اولان سلطان محمد بی قولوبیلی نین قلمه آلدیغی «خاطرات» آدلی کیتاب چاپ اولونوب.
Axar.az خبر وئریر کی، الیازمانی عرب الیفباسیندان محمد علی اوغلو پورمختاری چئویریب. ترتیب و نشر ائدن ایسه طوفان آخوندوودور.
کیتاب ۱۹۱۷-۱۹۲۱-جی ایللرده مغان و لنکراندا جریان ائدن تاریخی حادثهلری، بو یولدا خالقین بیرلیک روحونو، آیری-آیری شخصلرین دیرنیشینی و فداکارلیغیندان بحث ائدیر.
اثرده همچینین، قولوبیلیلر شجرهسی حاقیندا معلوماتلار یئر آلیب، نسلین نمایندهلرینین شاه عباس دؤورونهدک اوزانان خیدمتلری و فعالیتلری حاقیندا دانیشیلیب.
قید ائدک کی، سلطان محمد بی قولوبیلی ۱۸۷۵-۷۷-جی ایللر آراسیندا گونئی آذربایجاندا، قاراداغین قوجابیلی یایلاغیندا شاهسوهن عائلهسینده آنادان اولوب. او، ۶ ایون ۱۹۶۴-جی ایلده ۸۹ یاشیندا دونیاسینی دییشیب.
تاریخ
2022.12.26 / 15:05
|
مولف
مهستی قولوزاده
|