یوخاری

وطنین بیر پارچا تورپاغینا داستان قوشدولار او گئجه...

آنا صحیفه ادبیات
12 Punto 14 Punto 16 Punto 18 Punto

Kult.az "تورپاق" ناغیلینی بالاجا اوخوجولار اوچون تقدیم ائدیر:

بیر محل واردی یئر اوزونده. لاله‌لی، جیران‌لی، توراجلی دوزلری، یاماجلی داغلاری، دورناگؤزلو بولاقلاری، ماراللی، الیکلی مئشه‌لری باخانی حیران قویوردو. ایلخی-ایلخی آتلاری، سورو-سورو قویونلاری سایا گلمزدی اونلارین. اؤز حالال زحمتلری ایله اکر، بیچر، یاشایاردیلار بو دونیادا. کیمسه‌نین وارین‌دا، دؤولتین‌ده گؤزلری اولمازدی بو طایفانین. دلیقانلی ایگیدلری آت بئلینده قوش کیمی سکر، قیلینج اویناداردیلار.

بو محل آغساچلی بیر مدریک اینسانی باشچی سئچمیشدی اؤزونه. آدینا بؤیوک آتا دئییردی هامی. بیر سؤزونو ایکی ائد‌ن اولمازدی دونیا داغیلسایدی. حرمتی حرمت، احتیرامی احتیرام ایدی بؤیوک آتانین. قان-قادا ایله ایشی اولمازدی اونون.

- داوانیزی داغلا-داشلا ائدین، ایگیدلریم، - دئیردی همیشه. – قایا یارین، یول چکین داغلارا، صحرالارا سو چیخارین. قان آخیتمایین، تر آخیدین جانینیزدان. ایشینیز اوندا یونگول اولار، ترینیز سونبول اولار، - دئیردی همیشه.

قوجالار دا، جوانلار دا همیشه سیرغا ائدردی قولاقلارین‌دا بو مودریک بؤیوک آتانین سؤزلرینی. اوزاق-اوزاق اؤلکه‌لردن گلن غارتچیلرین گؤزلری گؤتورمزدی بو فیراوانلیغی، بو بوللوغو. همیشه ده بورونلاری ازیلردی اونلارین. بیر ساواش قربان‌سیز اولمازدی. نئچه ایگید قوربان وئرردی اؤز جانینی ائل یولون‌دا، قئیرت یولون‌دا. نئچه آنانین سینه‌سی داغلی، نئچه سئوگینین گؤزو یاشلی قالاردی داوادان سونرا. هامیدان دا چوخ بؤیوک آتا یاناردی، یاخیلاردی اؤز ایگیدلری اوچون. بیر گون گوشمه‌ن یئنه کسدیردی قاپینی، اؤز پیس نیتی ایله. محلین دلیقان‌لی ایگیدلری سلاحا ساریلیب آتیلدیلار آت اوستونه.

بؤیوک آتا:

- صبیر ائدین گؤرک، - دئدی، - ایگیدلریم.

ایگیدلر صبیر ائدیب دایان‌دیلار. دوشمه‌ن ائلچیلری گلیب چیخدی. خراج ایسته‌دیلر بؤیوک آتادان. بؤیوک آتا قیزیرقالانمادی، بیر کیسه قیزیل وئردی اونلارا، ائلین وارین‌دان. هامی سئوین‌دی کی، خاتا سوووشدو. سحر تئزدن ائلچیلر یئنی‌دن گؤروندولر. بؤیوک آتا:

- بویورون، - دئدی، - ایندی طلبینیز ندیر؟

ائلچیلردن بیری:

- اولو خاقانیمیز سیزین شخصی دؤیوش آتینیزی طلب ائدیر، - دئدی.

ایگیدلر حیددتلندیلر بو سؤزدن. بؤیوک آتا ساکیتلشدیردی اونلاری:

- وئرین، - دئدی، - منیم دؤیوش آتیمی اونلارا! تکی قان-قادا سوووشسون بیزدن.

ائلچیلر بؤیوک آتانین دؤیوش آتینی آلیب آپاردیلار.

سحر اولدو، ائلچیلر یئنه گل‌دیلر.

بؤیوک آتا:

- داها نه ایستیینیز وار؟- دئدی.

یئنه ائلچیلردن بیری:

- اولو خاقانیمیز سیزین یئگانه اوغلونوزو اؤزونه نؤکر ائتمک ایستییری

یئنه دلیقانلی ایگیدلر حیددتلنیب باغیردیلار:

- بیز جنگ ایستییریک!

بؤیوک آتا ساکیتلشدیردی اونلاری:

- بو جنگده اؤلجک ایگیدلریمیز منیم بیر اوغلومدان هئچ ده اسکیک دئییل، - دئدی.

ائلچیلر بؤیوک آتانین تک اوغلونو قاباقلارینا سالیب قول کیمی آپاردیلار. بؤیوک آتا سئویندی کی، بونونلا قان-قادا سوووشوب گئتدی، ساکیتلیک یاراندی محالدا. آنجاق هئچ ده بئله اولمادی. سحر ائلچیلر یئنه بؤیوک آتانین قاپی‌سینی کسدیردیلر. بؤیوک آتا اؤزونو زورلا اله آلدی و حیددتله سوروشدو:

- داها نه ایستییرسینیز؟

ائلچیلردن بیری دئدی:

- اولو خاقانیمیز بیر پارچا تورپاق ایستییر محالینیزدان، مسکن سالماق اوچون.

هامینین نظرلری بؤیوک آتایا دیکیلدی. اونون گؤزلری غضبدن آلیشیب-یاندی. آیاغا قالخاراق؟

- هایدی، منیم ایگیدلریم! – دئدی. – دوشمن حدینی آشدی! دوشمه‌نه وئردییم خراجلار منه مخصوص ایدی. آنجاق تورپاق منیم یوخ، خالقیندی. دوشمنه آمان وئرمیین!

آتلاندی دلیقانلی ایگیدلر بؤیوک آتانین بیر کلمه سؤزو ایله. گنگ باشلاندی، نه باشلاندی! قیلینجلاردان شیمشک قوپدو. یئر-گؤی دیله گلدی قوچ ایگیدلرین نره‌سیندن. آنالار دا، باجیلار دا کیشی پالتاری گئییب، قیلینج گؤتوروب دؤیوشه آتلاندیلار. بیرجه گونون ایچینده تار-مار ائتدیلر دوشمن قوشونونو. محال‌دان اؤلنی ده اولدو، یارالانانی دا. یاس ساخلامادیلار اؤلنلره.

- یاسلا غلبه بیر یئره سیغماز، - دئدی بؤیوک آتا.

محال‌دا هامی شادلیق ائتدی. بؤیوک آتانین شرفینه سؤز سؤیله‌دی اوزانلار.

- ان بؤیوک ثروت بیر پارچا تورپاقدیر، ائلین ثروتی اولان بیر پارچا تورپاق، - دئدی بؤیوک آتا.

وطنین بیر پارچا تورپاغینا داستان قوشدولار او گئجه. مقدس‌لشدی محالین بیر قاریش تورپاغی بئله‌جه همین گوندن.

تاریخ
2023.01.24 / 09:39
مولف
آیتاج آراز
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla