بو گون قانلی ۲۰ یانوار فاجعه‌سیندن ۲۹ ایل اؤتور.

Axar.az خبر وئریر کی، آذربایجانین آزادلیغی و اراضی بوتؤولویو اوغرون‌دا موباریزه تاریخینه قهرمان‌لیق صحیفه‌سی کیمی داخیل اولموش ۱۹۹۰-جی ایل یانوارین ۲۰-ده اؤلکه‌میزه قارشی اراضی ادعالاری ایر‌لی سوره‌ن ارمنیستانین تجاووزکار حرکتلرین‌دن و کئچمیش اس اس ار ای رهبرلیینین اونلارا هاوادارلیغیندان حیددتلنه‌ن، باکینین کوچه‌لرینه و میدانلارینا چیخاراق بونا اؤز قطعی اعتراضینی بیلدیره‌ن گئنیش خالق کوتله‌لرینه قارشی سوویت اوردوسونون دؤیوش حیصه‌لرینین یئریدیلمه‌سی آذربایجان‌دا میثلی گؤرونممیش فاجعه‌یه گتیریب چیخاردی. همین فاجعه‌لی گونلرده اؤز اؤلکه‌سینین، خالقینین آزادلیغینی، شرف و لیاقتینی هر شئی‌دن اوجا توتان مرد وطن اؤولادلاری جانلاریندان کئچه‌رک شهیدلیک زیروه‌سینه اوجالدیلار.

بؤیوک ایتکیلرله، گوناه‌سیز اینسانلارین قتلی ایله نتیجه‌لنه‌ن ۲۰ یانوار فاجعه‌سی گورباچوو باش‌دا اولماقلا، جینایتکار ایمپئرییا رهبرلیینین آذربایجانا قارشی خیانتکار سیاستینه دؤزمه‌یه‌ن، اؤز آزادلیغینا، موستقیللیینه جان آتان خالقیمیزین موباریزلیینی، اییلمزلیینی، مغرورلوغونو بیر داها نوماییش ائتدیردی.

۱۹۹۰-جی ایل یانوارین ۱۹-دان ۲۰-نه کئچه‌ن گئجه، اولجه‌دن فؤوق العاده وضعیت اعلان ائدیلمه‌دن، سوویت اوردوسو آذربایجانا قارشی حربی عمللیاتلارا باشلادی. فاجعه زامانی ۱۳۷ اینسان اؤلدورولدو، ۷۴۴ آدام آغیر خسارت آلدی، ۸۴۱ نفر ایسه قانون‌سوز اولاراق حبس ائدیلدی. سوویت اوردوسونون عملیاتلاری نتیجه‌سین‌ده ۲۰۰ منزیل، ائو، شخصی و دؤولت املاکی داغیلدی.

محض بونون نتیجه‌سین‌ده اوزون ایللردن بری آرزوسون‌دا اولدوغوموز موستقیل‌لییه قوووشدوق و اؤلکه‌میز سوورنلیک الده ائتدی. بو قانلی حادثه‌لردن ایللر کئچسه ده، خالقیمیز او مودحیش گئجه‌نی دایم خاطیرلاییر، بو فاجعه‌نی تؤره‌دنلره اؤز درین نیفرتینی بیلدیریر. خالقیمیزین قان یادداشین‌دا ابدی یاشایاجاق ۲۰ یانوار فاجعه‌سی رسپوبلیکامیزدا هر ایل عوموم خالق حوزن گونو کیمی گئنیش قید ائدیلیر.

اس اس ار ای-نین سوتونلارینی لاخلادان همین فاجعه‌دن فوتولاری تقدیم ائدیریک: