آنا صحیفه فوتو |
شاه عباسی خالچاسینین آدلاری صفویلر دؤولتینین بئشینجی حکمداری ۱-جی شاه عباسین آدی ایله باغلیدیر.
Kult.az خبر وئریر کی، شاه عباس صفویلر دؤولتینین پایتختینی آذربایجاندان ایرانین داخیلی رایونو اولان اصفهان شهرینه کؤچوروب. بونونلا علاقدار اولاراق آذربایجانین بیر چوخ اوستا و صنعتکارلاری اصفهانا کؤچمهیه مجبور اولوبلار. اورادا قیسا مدت عرضینده هندهسی شبکه اساسیندا نباتی ناخیشلا قورولموش ایلک خالیلار توخوندو و بؤیوک مشهورلوق قازانیر.
"شاه عباسی" خالچالارینین بدیعی قورولوشو "افشان" خالچالاریندا اولدوغو کیمیدیر. اونلار دتاللارلا و "شاه عباسی گوللری" آدلانان المنتلرله فرقلنیر. "شاه عباسی گوللری" اساساً اصلوبلاشدیریلمیش چیچکلردن، همچینین ائنلی انجیر یارپاقلاریندان عبارتدیر. بو المنتلر شبکهنی تشکیل ائدن خطلرین کسیشمه نقطهلرینده یئرلشیر. آرا ساحهنین یوخاری حیصهسینده، مرکزی اوخ اوزرینده چیچکلر اوچون گولدان تصویر ائدیلمیشدیر. بئله گولدانی "شیخ صفی"، "خانلیق" و باشقا خالچالاردا گؤرمک اولار. "شاه عباسی" خالچاسینین خاراکتریک خصوصیتی المنتلرین اوفیقی خط اوزره آسیمتریک یئرلشمهسیدیر. ۱۷-جی عصرین ایکینجی یاریسیندان باشلایاراق "شاه عباسی" خالچاسینین آدی – "جووشاقان" یاییلماغا باشلاییر. جووشاقان – اصفهان شهریندن شیمالدا یئرلشن مشهور خالچاچیلیق منطقهسیدیر.
تاریخ
2019.04.10 / 15:02
|
مولف
آیتاج آراز
|