آمریکا پرزیدنتلیینه نامزد دونالد ترامپا ایکینجی سوءقصد جهدی ائد‌ن رایان اوئلسلی روت حاق‌دا ماراقلی معلومات یاییلیب.

Axar.az خبر وئریر کی، او، روسییایا قارشی چوخسایلی چیخیشلارین مؤلفی‌دیر. حتی ۲۰۲۲-جی ایلده روت ۱۰-جو پلاتفورماسیندا روسیایا قارشی دؤیوشده اؤلمه‌یه حاضر اولدوغونو بیلدیریب و کرملینی یاندیرماغا چاغیریش ائدیب.

روت ۲۰۲۲-جی ایلده یازیب: «من کراکوودان اوچماغا و کؤنوللو اولاراق اوکراینا سرحدینه گئتمه‌یه، دؤیوشوب اؤلمه‌یه حاضرام... قوی نمونه اولوم، بیز غالیب گلملیگیک».

۲۰۲۳-جو ایلده روت اؤز فیسبوک صحیفه‌سیندن اجنبیلری اوکراینا طرفینده محاربه‌ده اشتراک ائتمه‌یه تشویق ائتمک اوچون استفاده ائدیب. او، همچینین اؤزونو اوکراینا حکومتینین «غیری-رسمی واسطه‌چیسی» آدلاندیریب و افغانیستان حربچیلرینی اوکراینا اوغروندا دؤیوشمه‌یه سسله‌ییب.

قید ائدک کی، ترامپا ایکینجی سوءقصد جهدی اؤتن گون اولوب. ترامپ اؤزونه مخصوص گلف کلوبوندان چیخارکن حصارین اوستوندن، تخمیناً ۳۰۰-۴۰۰ متر مسافه‌دن اونا آوتومات سلاحدان آتش آچیلیب. مخفی خدمت درحال قارشی‌لیق وئریب. روت اراضی‌دن قاچماغا نایل اولسا دا، اوزاقلاشا بیلمه‌ییب و حبس اولونوب.