آذربایجان شاعری، متفکیری، معاریفچیسی میرزه شفی واضح ۱۷۹۴- جو ایلده گنجه شهرینده آنادان اولوب.

کولت. آذ خبر وئریر کی، شاعر واضح تخلوصو آلتین‌دا هم آذربایجان دیلین‌ده، هم ده فارس دیلین‌ده یازاراق، بو دیللرین پوئزییا عنعنه‌لرینی اینکیشاف ائتدیریب. تیفلیسده آذربایجان و فارس دیللریندن درس دئمیش شاعر روس پئداقوق ایوان گریگوریئو ایله بیرلیکده آذربایجان پوئزییاسینین ایلک مونتخباتینی و تیفلیس گیمنازییاسی اوچون "تاتار-روس لغتینی" یازیب.

۱)حیکمتین باشی الله‌دان قورخماقدیر.

۲)مودریک شخص وظیفه‌لی آداملارا محتاج اولمایا بیلر. اما وظیفه‌لی شخصلر مودریک آداما محتاجدیرلار.
۳)لال دیل یاخشی‌دیر، یالان‌چی دیلدن.

۴)عبادت شهوتی اؤلدورور.

۵)آنلاماز اؤزونه دوشمندیر، اؤزگه‌یه نئجه دوست اولور؟

۶)نفس ایرزینی ترک ائیلمز اؤلندک.

۷)هر کسین تجروبه‌لری چوخدور، عقلی دخی چوخدور.

۸)تنبللیک و چوخ یاتماق اینسانی الله‌دان اوزاق ائیلر و فقیرلیگی آرتیرار.

۹)ائوده‌ن ایر‌لی قونشونو آختار و یولدان ایر‌لی یولداش.

۱۰)آجیغین اولی دلی‌لیک‌دیر، آخیری پئشیمان‌لیق.

۱۱)هر کسین هواسی عقلینه قالیبدیر، هلاک اولور.

۱۲)فقیرلیک یاخشیدیر حرام دؤولتلی‌لیکدن و کاسیبلیق خوشدور ظلم‌دن.

۱۳)خلق اؤلودور و علم اهلی دیری.

۱۴)دیریلیک اود کیمیدیر، اولی توستو، آخیری کول.

۱۵)اینسانا چتینراقدیر اؤز نفسینی تانیماق.

۱۶)خالقین علملری ایکی‌دیر: حقیقتدیر کی، اونو تحصیل ائیله‌مکده آجیز اولور و باتیلدیر کی، اونون تحصیلی فایده وئرمز.

۱۷)صبیرسیز فقیر یاغسیز چیراق کیمیدیر.

۱۸)دونیانین و مالین دوستلوغو هامی خطالارین باشیدیر.

۱۹)تلسمکده پئشمانلیق وار، صبرده سالامات.

۲۰)دیری ایت اؤلو آسلاندان یاخشیدیر.

۲۱)قارداشلارین یاخشیسی او کسدیر کی، خبرلندیره قارداشینی شردن، قورویا و خئیرین طرفینه یول گؤستره.

۲۲)اؤلوم یاووقدور بیزلره، نئجه کی، کیرپیک گؤزه یاووقدور.

۲۳)او کس کی، اؤزکه‌نین سیررینی سنه دئییر، سنین سیررینی دخی اؤزگه‌یه دئیر.

۲۴)عالیم جاهیلی تانیر، اوندان اؤترو کی، او جاهیل وار ایدی و جاهیل عالیمی تانیماز او سبب‌دن کی، او عالیم اولماییبدیر.

۲۵)عاقیللی دوشمن نادان دوستدان یاخشیدیر.