بئله بیر سایت یاراتماق فیکری من‌ده ۲۰۱۲-جی ایلده‌ن وار ایدی. محمدحسین شهریار چوخ سئودییم شاعردیر. دوشوندوم کی، من‌ده اولان ماتریاللاردان علاوه، یئنی ماتئریاللار دا ییغیم. اونون آرخیولرینی توپلاماغا باشلادیم.

بو سؤزلری Axar.az-ا محمدحسین شهریار سایتینین تاسیس‌چی‌سی، ژورنالیست فرید آذری دئییب.

اونون سؤزلرینه گؤره، سایتین حاضرلانماسی اوچون ۱۰ ایل واخت صرف ائدیب.

«شاعرین آرخیوینی توپلاماق اوچون تبریزله، ایرانلا و شاعرین اوغلو هادی بهجت تبریزی ایله علاقه‌لر قوردوم. اونلارین واسطه‌سی ایله توپلادیغیمیز ماتئریاللاری اولجه فیسبوک صحیفه‌سینده یئرلشدیرمک قرارینا گلدیک. ایزلییجیلریمیزین سایی ۱۰ مینی اؤتدو و بئله دوشوندوک کی، نؤوبتی مرحله‌ده اینترنت صحیفه‌سی یاراداق. مالییه دستیی لازیم ایدی. «پالمالی» شیرکتلر قروپونون رهبری مباریز منصیموو درحال مراجعتیمیزه رئاکسییا وئردی. سایتین یارادیلماسی اوچون لازیم اولان مالییه‌نین آیریلماسی تعمین اولوندو».

او بیلدیریب کی، سایتین تقدیمات مراسیمی کئچیریله‌جک:

«لاکین دقیق تاریخ دئمک چتیندیر. تقدیمات باکی ایله یاناشی، تورکییه‌ده ده نظرده توتولوب. توپلادیغیمیز ماتریاللار آراسین‌دا شاعرین نادیر فوتوشکیللری، سس‌یازیلاری و الیازمالاری یئر آلیب. آرخیویمیزده ۱۰۰ گ.ب-دن آرتیق آودیو، ۳۰۰ گ.ب-یه یاخین ویدئو، او جمله‌دن، کیتاب و الیازمالارین الکترون واریانتی، هابئله، ۵۰۰۰-دن چوخ فوتوشکیل توپلانیب. بو سایت هم شهریارسئورلر، هم ده آذربایجان‌لیلار اوچون فایدالی اولا بیلر».

فرید آذری سایتین حاضرلیق پروسسین‌ده یارانان چتینلیکلردن ده سؤز آچیب:

«شهریارین آذربایجان دیلین‌ده سؤیلدیی شعیرلری داها گئنیش الده ائتمک ایستردیم. بعضیلری وار من‌ده. اینتئرنئت واسطه‌سی ایله ایران آرخیولرینه گیریش الچاتان دئییل. بونون تعمین اولونماسی مرکب مسئله‌دیر. بونونلا باغلی چوخ جدی چتینلیک یاشاییرام. آرخیولری سوسیال شبکه‌لرده مختلیف ادبیاتشوناسلار واسطه‌سی ایله آختاریب الده ائدیره‌م. بازامیز کیفایت قدر گئنیش‌دیر، اما من داها دا احاطه‌لی اولسون ایستییرم».