بو گون - ۱۳ مارت گونئی آذربایجان‌لی یازی‌چی، شاعر و انقلاب‌چی علیرضا نابدلین (اوختای) آنیم گونودور.

Kult.az خاتیرلادیر کی، علیرضا علی اوغلو نابدل ۱۹۴۴-جو ایلده تبریزده آنادان اولوب.

او، ایلک و اورتا تحصیلینی تبریزده بیتیردیکدن سونرا ۱۹۶۱-جی ایلده تهران اونیورسیتتینین حقوق فاکولته‌سینه قبول اولونوب، ۱۹۶۷-جی ایلده ایسه اونیورسیتتی بیتیریب.

نابدل اونیورسیتتی بیتیردیکدن سونرا فرق‌لی دوشونجه طرزینه گؤره وکیل و حقوق‌شناس کیمی فعالیت گؤستره بیلمه‌ییب و بو سبب‌دن خوی شهرینده معلم کیمی ایشه باشلاییب.

همین ایللرده گونئی آذربایجانین مشهور یازیچی، تدقیقات‌چی و معلمی صمد بهرنگی ایله تانیش اولوب. او، بو تانیشلیقدان سونرا شاه رژیمینه مخالیف اولان بهروز دهقانی و مناف ایمانی ایله بیرگه "ایران خالق فدایی پارتیزانلاری" تشکیلاتینین تبریز قانادینین مرکزی عوضینی یارادیب.

بو تشکیلاتین اساس مقصدی ایران اراضی‌سینده یاشایان خالقلاری، او جمله‌دن هامیدان آرتیق آیری-سئچکی‌لییه، تعقیب و محرومیتلره معروض قالان آذربایجان تورکلرینی شاهلیق رژیمینه قارشی مباریزه‌یه حاضرلاماق‌دان و گلجکده ایراندا یاشایان خالقلارین میللی، معنوی و حقوقی برابرلیینی تعمین ائتمکدن عبارت ایدی.
ا.نابدل ۱۹۷۰-جی ایلده فارس دیلینده یازدیغی «آذربایجان و میللی مسئله» آدلی گنیش مقاله‌سی او دؤور گونئی آذربایجان‌دا میللی مسئله و اونون ایدئولوژی ایستیقامتلری، هابئله آذربایجان تاریخی ایله باغلی اهمیتلی اثر کیمی مشهوردور.

فورما و مزمون باخیمیندان اثرلری ۲۰-جی عصرین ۶۰-۷۰-جی ایللرین‌ده جنوبی آذربایجاندا یاشاییب-یارادان قلم یولداشلاریندان فرقلنن ا. نابدل داها چوخ یئنی، بیر قدر ده سربست شعیره میلی ایله سئچیلیر. دیل، اوصلوب جهتدن تمامیله میللی روحدا یازیلان، بعضا ده آز قالا دانیشیق دیلینه یاخینلاشان ا. نابدل شئیرینین باش مؤوضوسو مستقیل‌لیک و آزادلیق، لیریک قهرمانی ایسه شاعرین اؤزودور.

۲۰-جی عصرین ۶۰-۷۰-جی ایللرینده گونئی آذربایجان پویزییاسین‌دا سوژتلی لیریکانین بیر سیرا گؤزل نمونه‌لرینی یارادان نابدل اوختایین "توزلو پیانو"، "ایشیق"، "یورد"، "ستارخانین آتلیلاری" و س. کیمی اثرلری داها چوخ تانینیب.

علیرضا نابدل ۱۹۷۱-جی ایلین یازین‌دا تهران شهرینین پامینار محله‌سینده رژیمه قارشی تبلیغات آپاردیغی اوچون ایران پلیسی و تهلوکه‌سیزلیک مأمورلاری طرفیندن هجوما معروض قالیب. سلاحلی قارشی‌دورما نتیجه‌سینده نابدل آغیر یارالانیر و حبس ائدیله‌رک ایران تهلوکه‌سیزلیک خیدمتینین (ساواک) تجریدخاناسینا کؤچورولوب.

آیلارلا داوام ائد‌ن آغیر ایشگه‌نجه‌لردن سونرا ا.نابدل مناف فلکی و دیگر سکیز مسلکداشی ایله بیرلیکده اعدام ائدیلیب.

اونون چوخ سایدا شعرلری اؤلوموندن سونرا توپلاناراق چاپ ائدیلیب.