او تایلی-بو تایلی، فرق ائتمیر، بوتون آشیق هاوالارینی سسلندیریریک. چالیشیرام، هر ایکی طرف‌ده یادداشلاردا قالان قدیم هاوالاری ایفا ائدیم. جنوبون بیر سیرا خالق ماهنیلاری وار کی، اونلار دا آشیق موسیقی‌سین‌دن بهرلنیب.

بو سؤزلری Kult.az-آ تانینمیش گونئی‌لی آشیق، «دالغا» گروپونون رهبری چینگیز مهدیپور دئییب.

بیر مدت اؤنجه رشید بهبودووون ایفاسی ایله خاطیرلانان «نازنده سئوگیلیم»ی قیزی ایله اوخویاراق سوسیال شبکه‌لرده ایزلییجیلرین ماراغینی جلب ائد‌ن آشیق بستکار ماهنیلارینا نادیر حاللاردا مراجعت ائتدیینی بیلدیریب:

«نازنده سئوگیلیم»ی عایلوی بیر یئرده اوتوراندا اوخویوردوق، قایینانام چوخ گؤزل ایفا ائدیر. قیزیم دا هوسلندی کی، ماهنینی بو جور اوخویاق. ماهنی گؤزل ماهنی‌دیر. موسیقی‌سی و سؤزلری چوخ اویغون گلیر. آشیق صنعتی بیزیم بوتون موسیقی ژانرلاریمیزین کؤکودور. آشیق موسیقی‌سینین تأثیرینی دیگر موسیقی ژانرلاریمیزدان گؤتورسک، اونلار آذربایجان موسیقی‌سی اولا بیلمز. بو صنعتین دیگر موسیقی ژانرلارینا تأثیری حاق‌دا بؤیوک اوستادلاریمیز دانیشیبلار. اوزئییر حاجیبیوو «کوروغلو» اوپراسینی یازماق اوچون آشیق میرزه بایرامووون یانین‌دا ۳ آیا یاخین واخت کئچیریب، اوندان آشیق هاوالارینی منیمسه‌ییب». «آشیق غریب»، «شاه صنم» ده آشیق صنعتینین تأثیری ایله یازیلیب. «آرازباری» دا آشیق هاواسیدیر، آنجاق اوزئییر بی اونو سیمفونیک اثر کیمی چوخ گؤزل ایشله‌ییب. بو گون ده اونون اثرلرینی دینله‌ینده اینسان‌دا فرقلی بیر دویغولار یارانیر. بو دا آشیق صنعتیندن کئچمه اولدوغو اوچوندور».

او، قدیم صنعته اولان لاقیدلیکدن ده گیلئیلنیب:

«بیزیم موسیقیمیز چوخ گؤزل‌دیر، گرک، دوزگون تبلیغ اولونا. بو گون آشیق صنعتی تویلاردا آیاق آلتینا سالینیب، بئله اولماز. دوزگون تبلیغاتلا، دوزگون یاناشما ایله بیزیم بسته‌کارلاریمیز بو صنعتدن داها چوخ بهره‌لنه، چوخ بؤیوک اثرلر یارادا بیلرلر. ائله هاوالاریمیز وار کی، مثلاً، «عثمانلی دیوانی»، اونون اوزرینده بستکار ایشله‌سه، یاریم ساعتلیق سیمفونیک اثر یارانا بیلر. بونلاری بیلمیرلر. ائله بسته‌کاریمیز دا یوخدور کی، بو هاوالاری گؤتوره، اؤیره‌نه. آشیق صنعتینده اولان موسیقی رنگارنگلیگی هئچ بیر موسیقیمیزده یوخدور».

«دالغا» گروپونون رهبری یاخین زامانلاردا آذربایجانا قاسترول سفرینین اولاجاغینی دا بیلدیریب:

«باکی‌دا کنسرت وئرمک فیکریندییک. ائله دوشونوره‌م کی، بو، مایین سونلارینا کیمی باش توتاجاق. اگر آلینماسا، سنتیابرین آخیرینا مطلق رئاللاشدیرماق فیکیرمیز وار. «دالغا» گروپو چوخ سوییه‌لی کنسرت پروگرامی ایله چیخیش ائتمیی پلانلاشدیریر».