آپرئلین ۲- سی گونئی آذربایجانین ان مشهور اوستاد آشیقلاریندان اولان عبدولعلی نورینین دوغوم گونودور.

Axar.az خبر وئریر کی، عبدولعلی نوری ۱۹۳۹-جو ایل آپرئلین ۲-ده گونئی آذربایجانین قاراداغ محالینین جانانلی کندینده دونیایا گلیب.

یئنی‌یئتمه یاشلاریندان آشیق خیروللاهین یانین‌دا بو صنعتی اؤیره‌نه‌ن عبدولعلی، آشیق حسین جوانین یاراتدیغی یئنی اصلوبون گونئی آذربایجان‌دا تمثیلچی‌سی و داوامچی‌سی اولوب.

۱۹۷۶-جی ایلده‌ن سیاسی جریانلارا قوشولان و مختلیف اونیورسیتتلرده کنسرتلر وئرن عبدولعلی نوری قیسا مدت عرضینده گونئی آذربایجانین بوتون بؤلگه‌لرینده تانینیب، سیاسی مزمونلو ایفالارینا گؤره اینقیلابچی شاعرلردن بیری کیمی آد چیخاریب.

او، آشیق حسن ایسگندری و آشیق قشم جعفری ایله بیرلیکده تبریزده آشیقلار قهوه‌خاناسیندا (آشیقلار چایخاناسی) گونلوک ایفالار ائدیب، آذربایجان دیلی و مدنیتینه اولان تضییقلر قارشی‌سین‌دا آنا دیلی و آشیق صنعتینین آیاق‌دا قالماسینا چالیشیب.

صمد بهرنگینین آراز چایین‌دا بوغولماسی باره‌ده مراد آغایینین یازدیغی شعیری ایفا ائتمه‌سیندن سونرا آشیق عبدولعلی نوری سیاسی شخص کیمی رژیمین قارا سیاهیسینا دوشموش، سیاسی جریانلارین طرفداری کیمی تانینمیشدی.

۱۹۷۹-جو ایلده ایران‌دا انقلاب عرفه‌سی و انقلاب دؤورونده ایفالاری ایله انقلابی حرکاتا دستک وئرن آشیق عبدولعلی نوری ملالارین حاکمیتی اله کئچیرمه‌لریندن سونرا دا سربست فعالیت گؤستره بیلممیشدیر.

ملا رژیمی مخالیف جریانلارین، خصوصیله آذربایجانچی‌لیق حرکاتینین تمثیلچی‌سی کیمی تانینان عبدالعلینین مدنی فعالیتلرینه قاداغا قویموشدور.

بونا باخمایاراق، اونون کاستلری دایما آذربایجانلیلار طرفین‌دن گیزلی شکیل‌ده چوخالدیلمیش، الدن-اله گزمیش، توی و شنلیک مراسیملرینده سسلندیریلمیشدیر.

چوخ سایلی داستانلار و آشیق هاوالارینین ایفاچیسی اولماسینا باخمایاراق، داها چوخ "آراز آراز، خان آراز" ماهنی‌سی ایله تانینان آشیق عبدولعلی نوری ۳۰ مای ۲۰۰۳-جو ایلده دونیاسینی دییشب.