۱۸ سنتیابر - آذربایجانین داهی بسته‌کاری اوزییر حاجیبیلینین دونیایا گؤز آچدیغی گون اؤلکه‌میزده میللی موسیقی گونو کیمی قید اولونور.

Kult.az خبر وئریر کی، عموم میللی لیدر حیدر علیئوین موافق سرانجامینا اساساً، بو گون مناسیبتیله هر ایل آذربایجانین مختلیف بؤلگه‌لرینده سیلسیله تدبیرلر کئچیریلیر.

گؤرکملی بسته‌کارین آنادان اولدوغو گون هم ده اوزییر حاجیبی‌لی بین‌الخالق موسیقی فستیوالینین آچیلیشی ایله علامتداردیر. حیدر علیئو فوندونون و مدنیت ناظیرلیینین تشکیلاتچی‌لیغی ایله تشکیل اولونان بو فستیوال هر ایل سنتیابرین بو گونونده آچیق اعلان ائدیلیر و ۱۰ گون داوام ائدیر.

بو ایل ۱۵-جی دفعه تشکیل اولوناجاق بین‌الخالق موسیقی فستیوالینین زنگین پروگرامیندا آذربایجانین بدیعی کولکتیولری، سولیستلری ایله یاناشی، آمریکا، فرانسا، گرجستان، خورواتییا، روسییا، سینگاپور و دیگر اؤلکه‌لردن دعوت اولونموش موسیقی‌چیلرین ده چیخیشلاری یئر آلیب.

اوزییر حاجی‌بیلی بسته‌کار، عالیم، یازیچی، پوبلیسیست، اجتماعی و سیاسی خادیم کیمی چوخشاخه‌لی فعالیتی ایله یاناشی، شرق‌ده ایلک اوپرانین بانیسی کیمی تانینان صنعتکاردیر.

محض اونون فداکار امیی سایه‌سینده آذربایجان میللی اوپرا صنعتینین تاریخی ۱۱۱ ایل بوندان اؤنجه تاماشایا قویولان «لیلی و مجنون» اوپراسی ایله باشلانیب. اوپرانین ایلک دیریژورو عبدالریم بی حاق‌وئردیئو، رژیسورو حسین عربلینسکی اولوب. «مجنون» رولوندا اؤلمز صنعتکار حسین‌قولو سارابسکی، «لیلی» رولوندا ایسه آشپاز شاگیردی عبدالرحیم فرجوو چیخیش ائدیبلر. ایلک تماشا ۱۹۰۸-جی ایل یانوارین ۱۲-ده (۲۵-ده) باکی‌دا حاجی زین‌العابدین تاغییئوین تئاتریندا اوینانیلیب.

داهی آذربایجان شاعری محمد فضولینین عینی آدلی پویماسی اساسین‌دا حاضیرلانمیش «لیلی و مجنون» یالنیز آذربایجانین دئییل، هم ده شرقین ایلک اوپراسیدیر. قوجا شرقین اوپرا تاریخی محض بو گوندن باشلانیب.

اوزییر حاجی بیلی یارادیجیلیغینین زیروه‌سی «کوروغلو» اوپئاسیدیر. «کوروغلو» تکجه آذربایجان مدنیتینده دئییل، دونیا اوپرالارینین سیراسیندا عظمتله دایانان پارلاق نمونه‌لردن بیریدیر.

شرق‌ده ایلک اوپرتتا ژانرینین یارانماسی دا اوزییر حاجیبیلینین آدی ایله باغلیدیر. داهی بسته‌کارین ایلک موسیقیلی کمدییاسی اوچ پرده‌دن عبارت «ار و آرواد»دیر.

مؤلفین ایکینجی موسیقیلی کمدییاسی «او اولماسین، بو اولسون»دور. اثرین ایلک تماشاسی ۱۹۱۱-جی ایلین آپرلینده باکی‌دا اولوب. سونرالار موسیقی‌لی کمدییا مختلیف دیللره ترجمه اولوناراق صحنه‌لشدیریلیب.

اؤلمز صنعتکارین اوچونجو و سونونجو موسیقی‌لی کمدییاسی «آرشین مال آلان»دیر. بو اوپرتتا ۷۰-ا یاخین خاریجی دیله ترجمه ائدیلیب، ۱۰۰-دن چوخ تئاترین صحنه‌سین‌ده اوینانیلیب.

بو گون آدینی چوخ ایفتیخارلا قید ائتدییمیز اوزییر حاجیبی‌لی آذربایجان موسیقی مدنیتی تاریخین‌ده یئنی گلیشمه یوللارینین و میللی بسته‌کارلیق مکتبینین اؤزولونو قویماقلا یاناشی، آذربایجان موسیقی‌سی تاریخینده ایلک اوپرا، ایلک موسیقیلی کمدییا و بیر سیرا دیگر ژانرلاردا ایلک نمونه‌لرین یارادیجیسی کیمی خاطیرلانیر. اونون ایشیقلی خاطره‌سی خالقینین قلبینده ابدی اولاراق دایم یاشایاجاق.