سورهول‌لو آذربایجانین شمال-غرب زوناسینا، اساساً قاخ ،زاقاتالا و بالاکن رایونلارینا، قیسما قوبا -خاچماز و گنجه‌باسار بؤلگه‌لرینه مخصوص خمیر خؤریی‌دیر.

Kult.az خبر وئریر کی، سورهول‌لو یئمیی اساساً قیش آیلاریندا، اولجه‌دن تداروک ائدیلمیش قاخاج (قورودولموش ات) اتیندن ایستیفاده ائدیله‌رک بیشیریلیر.

همچینین خصوصی داد وئریلمه‌سی اوچون ساریمساق و تورشودان دا ایستیفاده اولونور. سورهول‌لو خمیر خؤریی اولماقلا ایکی فورمادا بیشیریلیر: قورودولموش اتله و تزه اتله. اساساً قویون اتیندن ایستیفاده ائدیلیر. سویوق قیش آیلارینین وازکئچیلمزی، سویوقدیمه‌نین و زکامین درمانی ساییلیر. یئمیین آدی سورتمک، خمیرین سورتوله‌رک فورمایا سالینماسی معناسینی وئریر. محض خمیر پارچالاری بارماقلا سورتوله‌رک چکیلیر.

ترکیبی:

خمیر:

اون

سو

دوز

سس:

۱ کیلو قاخاج ائدیلمیش قوزو اتی

۳ استکان سو

دوز

ایستیوت و یا ساریمساق

پالچیق تورشوسو

حاضرلانماسی:

اولجه اون، سو و دوزدان چوخ برک اولمایان خمیر یوغورون. خمیر ۵-۱۰ دقیقه مایالاندیق‌دان سونرا، اوزونونا شریدلر کسین. بو شریدلری بارماقلارینیزین اوجو ایله یومرولایین. سونرا خیردا کوادرات فورمادا کسین. آییردیغینیز خیردا حیسه‌لری بیر-بیر شهادت بارماغینیزی باسماقلا چکین. چکیلمیش خمیری علینیزله بیر قدر دارتیب اوزادین کی، قالین اولماسین. یاپیشماماسی اوچون اونلاییب آیری-آیری ییغین.

قازاندا سو قاینادیب، دوز علاوه ائدین. چکدیینیز سورهول‌لولری قاینایان سویا علاوه ائدیریک. سورهول‌لولر بیشندن سونرا سودان چیخاریب قابلارا ییغین.

خمیر مایالانان مدتده باشقا بیر قازانا قورو ات قویوب ۳ استکان سو علاوه ائدین. تام بیشدیکدن سونرا اوجاق‌دان گؤتورون. حاضر شوربادان بول‌لوجا سورهول‌لولرین اوزرینه گزدیرین، اوستوندن ات قویون. سوفره‌یه تورشو و ساریمساقلا وئره بیلرسینیز.

نوش اولسون!