بو گونو مایکل و براین ماکوماک قارداشلاری سویوق محاربه‌نین قیزغین واختیندا، مصرله اسرائیل آراسیندا گئدن مناقشه‌یه جواب اولاراق بین‌الخالق گرگینلیین آرتماسینا قارشی اعتراض علامتی اولاراق فکرلشیبلر.

Kult.az خبر وئریر کی، ۱۹۷۳-جو ایلدن باشلایاراق هر ایل نویابرین ۲۱-ی بین‌الخالق سلاملاشما گونو کیمی قید اولونور.

بو گونو ایکی آمریکالی قارداش-مایکل و براین ماکوماک تاسیس ائدیب. اونلار صمیمی سلاملارلا دولو اولان مکتوبلاری دنیانین بوتون نقطه‌لرینه گؤندریب و مکتوبو اوخویاندان بئله بیر مکتوبدان هئچ اولماسا داها اون نفره گؤندرمیی خواهش ائدیبلر. بوردا اساس مقصد اجتماعیتین دقتینی صلحون قورونماسی اوچون فردی انسیتین واجبلیینه یؤنلتمکدیر. چونکی پراکتیکی اولاراق ایسته‌نیلن مناقشه‌نی گوج تطبیق ائتمه‌دن، یالنیز خوش انسیت واسطه‌سی ایله حل ائتمک ممکوندور.

ائله او تاریخ‌دن اعتباراً همین گون سلاماشما گونو کیمی قید ائدیلیر.

قارداشلار بو یوللا بین‌الخالق عالم‌ده‌کی گرگینلییه قارشی چیخیش ائدیبلر .ایدئیا ۱۸۰-دن چوخ اؤلکه‌ده دستک قازانیر. همین واختدان اعتباراً عموم‌دنیا سلاملاشما گونو بوتون یاشدا اولان انسانلار و پئشه صاحبلری، هم بؤیوک سیاسی لیدرلر و صنایع ماگناتلاری، هم ده مشهور کینو و تلویزییا خادملری طرفیندن قید ائدیلیر.

بین‌الخالق سلاملاشما گونونون قایدالارینا گؤره، همین گون هر کس قارشی‌سینا چیخان شخصه اونو تانییب-تانیماماغیندان آسیلی اولمایاراق سلام وئره بیلر. آوروپادان فرقلی اولاراق آذربایجان‌دا اهالی بین‌الخالق سلاملاشما گونو باره‌ده آز معلوماتلی‌دیر. اما مثلاً، پایتاخت باکی‌دا بو گونو قید ائد‌نلر آز دا اولسا وار.