آذربایجان مطبخینین عوض اولونماز یئمکلریندن بیری ده دولمادیر و تا قدیم‌دن ایندیه دک دولما هر بیر آذربایجانلینین بایرام سفره‌سینین بزه یی اولوب.

Kult.az بیلدیریر کی، بو یئمه یین «دولما» آدلاندیریلماسی بوتون تورکدیللیلر اوچون عمومی بیر آد حساب اولونور.

بیر چوخ منبع‌لره اساساً، «دولما» آدی - «دولماق»، »دولدورماق» تورک فعلین‌دن یارانمیش‌دیر: (آذربایجان -دولما، کریم تاتار.-دولما، تورک.-دولما/سارما، اؤزبک.-دو`لما، دیلما).

آذربایجان‌دا دولما حاضرلاماق اوچون موختلیف نؤو اوزومون جاوان یارپاقلارین‌دان، کلم‌دن، بعضی رئگیونلاردا (قوبا، قوسار) انجیر، هئیوا و بعضی دیگر آغاجلارین یارپاقلارین‌دان ایستیفاده اولونور.

یای موسومون‌ده آذربایجان‌دا دولما ۳ تروز – بادیمجان، پومیدور و شیرین بیبردن ده حاضرلانیر. بو جور دولمانین ایچری‌سینه چکیلمیش قوزو اتی، اتیرلی گؤیلر و ادوییاتلاردان عبارت قاریشیقلار دولدورولور. بو دولما « بادیمجان دولماسی» آدلاندیریلیر.

بو دفعه سیزه کور چایینین خزر قووشاغین‌دا یئرلشه‌ن سالیان- نفتچالا بؤلگه‌سینین سئویملی یئمه یی اولان دولما بالیغین حاضرلانماسی قای‌داسینی و رسئپتینی وئرجه ییک.

دولما بالیغین ترکیبی:

بالیق (چکی، خشه‌م، کوتوم)

۳ عدد آغ و یا قیرمیزی سوغان

۴-۵ عدد پومیدور

بیبر

۳۰۰ قر گؤی آلچا، خار توت و یا آلبالی

دوز. ایست اوت، نانه قوروسو، گیله مرزه

شویود، کئشنیش

انجیر یارپاغی و یا اوزوم یارپاغی

مؤوسومونه گؤره نار دنه‌سی

باغلاماق اوچون تنزیف

حاضرلانما قای‌داسی:

ایلک اؤنجه بالیغی تمیزله‌ییب یویون. تمیزلنمیش بالیغین بئل حیسه‌سین‌دن کسیب قاییق کیمی آچین. بالیغین ایچ حیصه‌سیندن چرتیب یاخشیجا دوزلایین و ۲ ساعتلیق و یا بیر گونلوک سویودوجودا گؤزلدین. و یا اولجه‌دن دوزلانمیش بالیغی ایستیفاده ائده بیلرسینیز.

ایچلیی حاضرلاماق اوچون باشقا بیر قاب‌دا خیردا دوغرانمیش سوغان، گؤی آلچا، پومیدور، دوز، ایستی اوت، نانه قوروسو، نار دنه‌سی و گیله مرزه علاوه ائدیب قاریش‌دیرین. ایری بیر قابین ایچری‌سینه تنزیف سرین. تنزیفین اوزرینه اوزوم و یا انجیر یارپاغینی دوزون. بالیغی یارپاغین اوزرینه یئرلشدیریب ایچلیک ایله ایچ حیسه‌سینه و قولاغینا دولدورون. یئنی‌دن اوستدن اوزوم و یا انجیر یارپاغی دوزوب، تنزیفی برک باغلایین. ایری بیر قازانین ایچری‌سینه کاسا و یا ایری چای داشی یئرلش‌دیرین. باغلانمیش بالیغی دا داشین اوزرینه قویون. قازانا باغلامانین اوزرینه چیخامایاجاق قدر سو تؤکون. قازانین قاپاغینی باغلاییب بو شکیل‌ده بوخاردا بیشیرین. سویو آزالدیق‌دا بیر آز دا سو تؤکون کی، بالیق یاخشیجا بیش‌سین. حاضر دولما بالیغی سویوق حالدا سفره‌یه وئریلیر. بو بالیق یئمه ینین یانیندا دوغراماج ،آیران، سویوتما کارتوف، قاتیق و یا قارپیز وئریلیر.

دولما بالیق یئمه یینی چکی، کوتوم، خشه‌م، یاغلی نره، حتی لوسوس بالیغین‌دان حاضرلاماق اولار.