آذربایجان میللی علملر آکادمییاسینین (آمئا) فولکلور اینستیتوتونون علمی شوراسینین قراری ایله باکی‌دا «قشقای فولکلور اؤرنکلری» کیتابینین ۱-جی جیلدی چاپ‌دان چیخیب.

Kult.az خبر وئریر کی، بو باره‌ده آمئا معلومات یاییب.

کیتاب قاشقایی تورکلریندن توپلانمیش مختلیف فولکلور اؤرنکلرینده عبارت‌دیر.

خاطیرلاداق کی، ایندیدک ایرانین گونئی و اورتا بؤلگه‌لرینده یاشایان قاشقایی تورکلرینین فولکلورو اؤلکه‌میزده گئنیش شکیلده اؤیرنیلمه‌ییب، بو زنگین معنوی ارث حاقین‌دا یالنیز پراکنده شکیلده آراشدیرمالار آپاریلیب.

قاشقایی فولکلورو ایله باغلی ایلک توپلاما ایشینی احاطه ائد‌ن بو کیتابدا قاشقای اتنوگرافییاسی، فولکلور مدنیتینین اوریژینال شکیل‌ده اوخونماسی اوچون تکمیللشدیریلمیش سؤزلوک ده تقدیم ائدیلیب.

«علم و تحصیل» نشریاتین‌دا ایشیق اوزو گؤره‌ن ۳۱۶ صحیفه‌لیک کیتابین لاییحه رهبری آکادئمیک مختار کاظیموغلو-امانوو، ترتیبچی و «اؤن سؤز» مؤلفی فیلولوگییا علملری دوکتورو، دوسنت متانت ماشاللاهقیزی (عباسووا)، متنلری ترانسلیتراسییا ائد‌نلر فیلولوگییا اوزره فلسفه دوکتورو قیمت محرم‌لی، ایلاهه قوربانووا و صبوحی بدلوو، رداکتورو ایسه لاله بدیرووادیر.

قید ائدک کی، ایرانین کهگلویه و بویراحمد، اصفهان، فارس، بوشهر و خوزستان ایالتلرینده یاشایان قاشقاییلارین سایی ۳ میلیونا یاخین‌دیر.