فورالین ۲۱-ده قطرین پایتختی دوحادا آذربایجان مدنیتی گونلرینه استارت وئریلیب.

Kult.az خبر وئریر کی، آذربایجان مدنیت ناظیرلیینین دستیی ایله کئچیریلن بیر سیرا تدبیرلر فورالین ۲۴-دک داوام ائد‌جک.

آذربایجان مدنیت نمونه‌لرینین تقدیماتینا حصر ائدیلن تدبیر شهرین تکجه آلیش-وئریش یئری دئییل، هم ده مدنیت مرکزی ساییلان مشهور «سوق واقف» بازاریندا کئچیریلیر.

مدنیت ائولریندن بیرینین حیطین‌ده «آذرخالچا»نین سرگی‌سی و آذربایجان موسیقی‌سینی تقدیماتینا حصر ائدیله‌ن کنسرت اولوب.

تدبیرده آذربایجانین مدنیت ناظری عادیل کریملی، قطر مدنیت ناظیرلیینین امکداشلاری، یئرلی اجتیماعیتین نماینده‌لری اشتراک ائدیبلر.

کنسرت پروگرامی چرچیوه‌سینده فکرت امیروو آدینا ماهنی و رقص آنسامبلینین، آذربایجان دولت خالق چالغی آلتلری اورکسترینین، ائلجه ده دولت رقص آنسامبلینین سولیستلری چیخیش ائدیبلر.

تدبیرده خالق ماهنیلاری ایله یاناشی، «ناز ائلمه»، «آغ چیچییم» رقصلری ده ایفا ائدیلیب.