دوحایا دونیانین هر یئریندن توریستلری جلب ائد‌ن اسلام اینجه‌صنعتی موزیین‌ده اکسپونات قیسمینده نظامینین «خمسه»سی سرگیلنیر. اما چوخ تأسف کی، اثر فارس مدنیتینین نمونه‌سی کیمی تقدیم اولونوب.

Kult.az بیلدیریر کی، بو دزینفورماسییا ایله باغلی آذربایجان یازیچیلار بیرلیینین کاتیبی، شاعر، دراماتورق ایلقار فهمی آچیقلاما وئریب.

«بیر چوخ اؤلکه‌لرده نظامینین آذربایجان شاعری دئییل، ایران شاعری اولماسی ایله باغلی تبلیغاتلار آپاریلیب. تأسف کی، بو منظره هله ده بعضی اؤلکه‌لرده مشاهیده اولونور. بیز بونونلا مباریزه آپارمالیییق.

قطر ملی کیتابخاناسیندا یوگنی برتلسین عرب دیلینه ترجمه ائدیلمیش «بؤیوک آذربایجان شاعری نظامی» کیتابینین تقدیماتی حقیقتلرین عرب دونیاسینا چاتدیریلماسی ایستیقامتینده بؤیوک آددیمدیر. اثر کیتابخانایا هدیه ائدیلیب. بیز بو ایستیقامتده فعالیتیمیزی داوام ائتدیرملیییک، چونکی دونیانین بیر چوخ کیتابخانالارین‌دا نظامی «خمسه»سی ایران اثری کیمی تقدیم اولونور»، - دئیه ایلقار فهمی قید ائدیب.

قید ائدک کی، اؤتن هفته قطرین پایتختی دوحادا آذربایجان مدنیتی گونلری کئچیریلیب. بیر سیرا تدبیرلر واسطه‌سیله یئرلی تاماشاچیلار مدنیتیمیز و اینجه‌صنعتیمیزله تانیش اولوبلار. آذربایجان ایله قطر آراسیندا یئنی امکداشلیق علاقه‌لری قورولوب.