اولو ننه‌م خورشیدبانو ناتوان حاقدا یاییلان بعضی معلوماتلارا آیدینلیق گتیرمک ایستییرم. اونون حاقدا یازیلان یازیلارین اکثریتی یالنیشدیر. بو منی ناراحات ائدیر.

Kult.az خبر وئریر کی، بونو خورشیدبانو ناتوانین کؤتوجه‌سی سئویل آغامیرووا دئییب.

«آکادمیک ملی درام تئاتریندا ایلیاس افندیئوین «خورشیدبانو ناتوان» پیئسی صحنه‌لشدیریلیب. او تماشادا بیر چوخ شیلر دوزگون دئییل. خورشیدبانو رولونو رحمتلیک آمالیا پناهووا اویناییردی. گناه اوندا دئییل، اثر دوزگون یازیلماییب. گویا کی، ناتوانین اری اولا-اولا او باشقاسی عائله حیاتی قوروب. بئله بیر شی هئچ واخت اولماییب. اری اؤلندن نئچه ایل سونرا او عائله حیاتی قوروب. بونونلا باغلی الیمده بابامین الیازمالاری وار. بیری او یاندان چیخیب دئییر کی، «پناهعلی خانین آروادی ارمنی اولوب». بو سؤزو نئجه دئیه بیلرسه‌ن؟! نئجه دیلین گله بیلر؟ او واخت، ۳۰۰ ایل بوندان اول هئچ ارمنیلر اورادا اولماییب. سن قاراباغی نیه ارمنیلشدیریرسن؟!» -دئیه او، ناتوانلا باغلی یاییلان باشقا معلوماتلارا آیدینلیق گتیریب.

«ناتوانین ایکینجی حیات یولداشی سید حسین اولوب. بو ائولیلیکدن اونلارین میرجابار آغا آدلی اؤولادی دنیایا گلیر. میرجابار آغادان منیم بابام ابوالفتح آغا، داها سونرا ایسه آنام عزیزه خانیم گلیر. ناتوان جوانشیرلر و قاجارلار نسلینین قانینی داشیییب. اونون آناسی جواد خانین نوه‌سی اولور. ناتوانین نسلی آتا طرفدن ده، آنا طرفدن ده اکثریتی شاعر اولورلار. ناتوان تک قیز اولور، تحصیلینی سارایدا آلیر. اونا «بیرجه» دئییب سسلنیرلر. بیر نئچه دیل بیلیر. بیرینجی حیات یولداشی ایله ائولیلییندن اونون ایکی اؤولادی دنیایا گلیر. اوغلو دا شاعر اولور. ایکینجی دفعه ایسه سید حسینله عائله حیاتی قورور. او چوخ ساوادلی شخص اولوب. تحصیل ساحه‌سینده مدیر ایشله‌ییب. همیشه ده ناتوانین یانیندا اولور. سایتلاردا و معلوماتلاردا یالنیش اولاراق یازیلیب کی، سید حسین فایتونچو اولوب. بو سؤزو ائشیدنده چوخ مایوس اولورام. باشا دوشمورم، بو سؤزو کیم اؤزوندن چیخاریب؟! تاریخ‌چیلر، عالملر یوخ‌دور بوتون بونلاری آراشدیرسین؟!» دئیه خورشیدبانو ناتوانین کؤتوجه‌سی دئییب.