آپرلین ۱۸-ی دونیادا بین‌الخالق عابده‌لر و تاریخی یئرلر گونو کیمی قید اولونور.

Kult.az خبر وئریر کی، بو علامتدار گون تاریخی یئرلر و عابده‌لرین محافظه‌سی شوراسینین تکلیفی ایله یونسکو طرفین‌دن ۱۹۸۳-جو ایلده تاسیس اولونوب.

مقصد اینسانلارین دقتینی عابده‌لرین و تاریخی یئرلرین قورونماسینا یؤنلتمکدیر.

بو علامتدار گون آذربایجان‌دا دا گئنیش قید اولونور. هر ایل بو تاریخده قوروقلاردا، تاریخی مکانلاردا عابده‌لرین و تاریخی یئرلرین قورونماسینین تبلیغی مقصدیله مختلیف تدبیرلر، سرگیلر تشکیل ائدیلیر

عابده‌لرین و تاریخی یئرلرین داغیدیلماسی خالقین، ملتین وارلیغینین محوی دئمکدیر. بو باخیم‌دان بین‌الخالق عابده‌لر و تاریخی یئرلر گونونون تاسیس اولونماسی بؤیوک اهمیته مالیکدیر.

اؤلکه‌میز دونیادا بشر سیویلیزاسییاسینین ایلکین میدانا گلدیی اراضیلردن بیریدیر. آزیخ ماغاراسیندان تاپیلمیش و آزیخانتروپ آدلان‌دیریلان قدیم اینسانین آلت چنه سومویو آذربایجانین دونیادا ان قدیم ابتدای انسان مسکنلرین‌دن بیری اولماسینی ثبوت ائدیر. قوبوستان‌دا آشکار ائدیلمیش یاشاییش مسکنلری بو اراضی‌ده ان قدیم دؤورلردن اینسانلارین مسکونلاشدیغینی تصدیقلییر.

اؤلکه‌میزین اراضی‌سین‌ده ماننا، داها سونرالار جنوب‌دا آتروپاتنا دولتینین یارانماسی نتیجه‌سینده شهرلر سالینیب، مدافعه تیکی‌لیلری، عظمتلی قالا دیوارلاری اینشا ائدیلیب. قافقاز آلبانییاسی دؤورونده شهرسالما ساحه‌سینده مهم آددیملار آتیلیب.

عابده‌لریمیزین و تاریخی یئرلریمیزین محو اولماق تهلوکه‌سی اؤلکه‌میزین بعضی بؤلگه‌لریندن ده یان اؤتمه‌ییب. اشغال‌دان آزاد ائدیلمیش تورپاقلاریمیزدا ارمنیستانین حربی بیرلشمه‌لری ملی مدنیت عابده‌لریمیزی قدارجاسینا داغیدیب.

تاریخی عابده‌لریمیزین قورونماسی و گله‌جک نسیللره چاتدیریلماسی ساحه‌سینده دولتیمیزین باشچی‌سی ایلهام علیئوین، آذربایجانین بیرینجی ویتسه-پرزیدنتی، حیدر علیئو فوندونون پرزیدنتی مهریبان علیئوانین اؤلکه داخیلینده و خاریجینده حیاتا کئچیردیکلری بؤیوک ایشلر هر کس اوچون ان گؤزل اؤرنکدیر.