گوزله‌نیلمدن چیخان تدبیرلرده نه گئیینه‌جه‌یینیزی دوشونمک اوچون واختینیز یوخدورسا، دئمه‌لی، قارا رنگلی لباسلارا اوستونلوک وئرملیسینیز.

Kult.az خبر وئریر کی، قادینلارین اکثریتی گئتدیکلری ان اؤنملی تدبیرلرده بئله قارا رنگلی لباس سئچیرلر.

بو رنگلی گئییملردن استفاده ائدرکه‌ن البته کی، اونون دبلی اولماسی و سیزه یاراشماسی دا اهمیتلیدیر.

حاضردا هر بیریمیزین عوض ائدیلمزی اولان قارا گئییملر اصلینده ۱۹۲۰-جی ایلده‌ن اول مد دنیاسینا داخیل اولوب. مشهور مدلیئر جوجو شانل بو رنگی دب دنیاسینا گتیردیی واختلار قارا یالنیز یاس مراسملری اوچون نظرده توتولوردو. بئله گئییملردن استفاده ائدرکن اونلاری اؤز زوقونوزه اویغونلاشدیرا بیلرسینیز.

۱. قارا دری لباس گئیینمک چتین‌دیر، چونکی هر زامان دقت چکیر و بدنین خطلرینی آچیق شکیل‌ده بیلدیریر. آنجاق دری گئییملردن استفاده ائد‌ن خانیملار هم ده اولدوقجا دبلی گؤرونور. چونکی بئله لباسلار اصل جاذبه‌دارلیق و جسورلوق نمونه‌سی‌دیر.

۲. بیر آز طمطراغی سئوه‌نلر قارا پاریلدایان بیسرلرله بزدیلمیش قیسا دونا اوستونلوک وئره بیلر. بو، داها چوخ گئدجیینیز مکان‌دان آسیلی‌دیر. یاخشی اولار کی، پالتارین هر طرفی دئییل، یالنیز اوست حیصه‌سی بیسرلرله بزدیلمیش اولسون.

۳. اوزرینده هئچ بیر علاوه‌سی اولمایان ساده‌جه دار، قیسا قارا گئییم ده شارملی گؤرونمیینیزه سبب اولار. لباس دکولته اولارسا، بو، سیزه علاوه جازبه‌دارلیق بخش ائدر.

۴. معصوملوغون و ضریفلیین سیموولو اولان تول و قارا پارچانین وحدتی مکمللیین گؤستریجی‌سی‌دیر. آیاققابی و آکسسوارلارینیزین کمکی ایله ایستدیینیز گؤرونوشو یارادا بیلجیینیز تول لباس سیزه سئویملی‌لیک قاتاجاق.

۵. نهایت بیر چوخ قادینلارین ان سئویم‌لی‌سی اولان، دیگرلرینین ایسه هئچ خوشلامادیغی بیر مقام. قاش‌لی، توکلو اینجه بیر گئییم. بئله لباسلار ادعالی اولماغی سئومه‌یه‌ن خانملار اوچون داها مصلحت‌لیدیر.