آزنیوز. تی وی «آزادلیق» رادیوسونا ایستینادا خبر وئریر کی، آبش دؤولت کاتیبی‌نین سؤزلرینه گؤره، تئهرانلا واشینقتون آراسین‌داکی گرگین‌لییه سون وئرمک اوچون «ایران خالقی اوچون ان یاخشی چیخیش یولو» تئهرانین «دیپلوماتییا یولونو سئچمه‌سی»دیر.

ایولون ۱۶-دا ایرانلا باغلی «هوگه Hewitt Show» رادیو پروقرامینا موصاحیبه وئرن پومپئو غربی آسییادا ایرانلا آبش آراسین‌دا مؤوجود گرگین‌لیک و حربی موناقیشه مومکونلویو باره‌ده فرضیه‌لری جاوابلاندیریب.

«اگر اونلار (ایران حکومتی) محاربه ایستییرلرسه، بیز بونون قارشی‌سینی آلماق اوچون چوخ شئی ائده بیلمریک… سیز (ترامپ حکومتی) ایرانین دانیشیقلار ماساسینا قاییتماسی فیکرین‌دن نه واخت داشیناجاقسینیز؟»، دئیه Hewitt، پوپمئودان سوروشوب.

آبش دؤولت کاتیبی ایسه جاوابین‌دا بیلدیریر کی، نه آمئریکا خالقی، نه ده ایران حکومتی آبش-ین «گئنیش رئاکسییاسی» و «سیلری» باره‌ده شوبهه ائتمه‌مه‌لی‌دیر.

«ایران داخیلین‌ده‌کی اینسانلار اوچون ان یاخشی حل یولو بودور کی، ایران [حکومتی] دیپلوماتییا یولونو سئچمه‌لی‌دیر، و بیز ده بونو اونلارا دئمه‌یه چالیشیریق، چونکی ایران حکومتی آشکار صورت‌ده خالقی‌نین ایستیینه اویغون اولمایان ایشلر گؤروب»،- دئیه پومپئو علاوه ائدیب.