آذربایجانین یئرلی مئدیا اورگانلاری آراسیندا اوپئراتیولیگی ایله سئچیلن آخار.آذ سایتینین ۵ یاشی تامام اولور.
پوبلیکا. آز اولاراق «تلگراف هولدینق» مئدیا قورومونون ترکیبینه داخیل اولان قارداش سایتا باش چکهرک، یوبیلئیلری موناسیبتیله اونلاری تبریک ائتدیک.
بو گون قونشوموزدا ایکی قات بایرام آب-هاواسی وار ایدی. قاپیدان ایچری داخیل اولان زامان اورادا «سنی دئییرلر» ماهنیسی ایله سون گونلرین گوندهمینه اوتوران ایبراهیم علیزاده بیزی قارشیلادی. موسیقیچی سایتین ۵ یاشینی اؤزونه مخصوص شکیلده محض ائله «سنی دئییرلر» جانلی سسلندیرهرک تبریک ائتدی.
موصاحیبهیه مانع اولماماق اوچون اؤنجه آخار.آذ این باش رداکتورو آنار نیفتلیئوله گؤروشوب، اؤزل گون موناسیبتیله اونو تبریک ائتدیک. سایتا اؤز اؤولادی کیمی یاناشان، اونون اؤن سیرالاردا دایانماسی اوچون گئجه-گوندوز چالیشان باش رداکتور تسسوراتلارینی بیزیمله بؤلوشدو:
«منیم اوچون آخار.آذ-این ایلک یاشینی و بیر ده بو گونو، یعنی یوبیلئی یاشیمیزی قئید ائتمییمیز چوخ اؤنملی تاریخلردیر. دیگر یاشلاریمیزی دئمک اولار کی، آیاق اوسته قئید ائتمیشیک. تصادفدن بو گون اوفیسیمیزه دعوتلی قوناقلاریمیز دا سئوینجیمیزی بیزیمله بؤلوشدولر. بو گون کوللئکتیویمیز چوخ سئوینجلیدیر. بو بیر طرفدن بیزیم ایشیمیزه آزاجیق زیان وورسا دا، اونلارین امه یی و آینور خانیمین دسته یی نتیجهسینده بو گون بئش یاشیمیزی قئید ائدیریک. من بو کوللئکتیوین اوشاقلارینین هر بیرینی چوخ ایستییرم. ایل بویو گئجه-گوندوز چالیشیرلار، زحمت چکیرلر طبیعی کی، بیر نئچه ساعت ایلهنمهلرینه، بایراملاشمالارینا شرایط یاراتماق لازیمدیر».
آخار.آذ-این خصوصی اوخوجو کوتلهسینین اولدوغونو دئیهن باش رداکتور اونلارین معاریفلندیریجی ماتئریاللار طلب ائتدیینی وورغولاییر: «بیز ده هر زامان چالیشیریق کی، اوخوجولاریمیزین ماراق دایرهسینی دقتده ساخلایاق و اینتللئکتوال سوییهنی قورویاراق سانباللی ایش عرصهیه گتیرک. عمومیلیکده ایسه من «تلگراف» هولدینقین رهبری آینور خانیمدان، آخار.آذ-این بوتون امکداشلاریندان چوخ راضییام. عینی زاماندا بیزیمله بیرگه فعالیت گؤسترهن پوبلیکا.آذ و تلگراف.کوم سایتلاریندان دا راضییام. بیزیم هر بیریمیزین مقصدی، آمالی بیردیر. اومید ائدیرم کی، بیرلیکده هولدینقیمیزین گلهجکده داها دا یاخشی یئرلرده اولماسینا چالیشاجاغیق. بیر ده اونو دئییم کی، منیم آخار.آذ-آ آرزوم بودور کی، گلن یاشینا قدر «آخار تو» اؤز فعالیتینه باشلاسین. حاضردا کیچیک سوژئتلرله فعالیت گؤسترسه ده، بو تام اولاراق بیز ایستهین دئییل. چوخ آرزو ائدیرم کی، بو و دیگر بوتون آرزولاریمیزی گلن یاشیمیزا قدر حیاتا کئچیرک».
آنار معلمی بیر داها تبریک ائدیب یوللانیریق سایتین آذربایجان بؤلمهسی اوچون چالیشیب-ووروشان گنج ژورنالیستلرین اوتاغینا.
سایتین سوتونلاریندان اولان رداکتور آنار احمدووا یاخینلاشیریق. سایتین ان قوجامان امکداشی اولان آ. احمدوو بونلاری دئییر:
«بئش ایلدیر آخار.آذ-دا چالیشیرام. طبیعی کی، بئش ایل بیر رئداکسییادا چالیشماق سئویندیریجیدیر. بو ایللر عرضینده اولا بیلمز کی، ایرادلاریمیز اولماسین. اما آرزولاریمیز، خوش گونلریمیز او قدر چوخ و یاددا قالاندیر کی، بو بوتون کیچیک ایرادلاری اوستلییر. ایش یولداشلاریمیزی چوخ ایستییریک. اونلارلا عینی یئرده چالیشماق گؤزلدیر. آرزو ائدیرم هر زامان بئله بیرلیکده اولاق».
تورانه ممدلی ده آخار.آذ-این سوتونلاریندان بیریدیر و هر گون اوفیسه هر کسدن اؤنجه گلیر:
«بئش ایلدیر آخار.آذ-دا چالیشیرام. طبیعی کی، بئش ایل بیر رئداکسییادا چالیشماق سئویندیریجیدیر. بو ایللر عرضینده اولا بیلمز کی، ایرادلاریمیز اولماسین. اما آرزولاریمیز، خوش گونلریمیز او قدر چوخ و یاددا قالاندیر کی، بو بوتون کیچیک ایرادلاری اوستلییر. ایش یولداشلاریمیزی چوخ ایستییریک. اونلارلا عینی یئرده چالیشماق گؤزلدیر. آرزو ائدیرم هر زامان بئله بیرلیکده اولاق».
تورانه ممدلی ده آخار.آذ-این سوتونلاریندان بیریدیر و هر گون اوفیسه هر کسدن اؤنجه گلیر:
«هر گون اوفیسه پوزیتیو انرژی ایله گلیرم. بورا منیم اوچون سادجه ایش یئری دئییل، چونکی سؤزون حقیقی معناسیندا آخار. آذ- عائلهم کیمی گؤرورم. بونا گؤره اونون منده دیری چوخ بؤیوکدور. بو قدر پئشه کار اینسانلارین آراسیندا اولدوغوم اوچون اؤزومو چوخ شانسلی حساب ائدیرم. مندن سونرا اوفیسه دونیا سیاستیندن یازان امکداشیمیز ایلکین گلیر. گلیب اوتاغا چاتمامیش دهلیزین او باشیندان «چای وار؟» دئیه سوروشور. آخار.آذ منه بو درجه شیرین، شیلتاق، مهریبان دوستلار قازاندیریب. اونا آرزولاریم سونسوزدور. هر زامان اوخوناق، اونلاین یوکسک اولسون کی، بیزیم ده کئفیمیز یاخشی اولسون».
آنار احمدوولا تورانه ممدلی اوتاق یولداشلاری اولدوغو اوچون، تخمین ائدیریک کی، چایلارین چوخونو آنار ایچیر (گولوروک).
«چئکیردئک عائله» اولان آخار.آذ-این دیگر امکداشلارینی دا تبریک ائدیب، اورک سؤزلرینی دینلدیک:
«آخار»این سئویملی رئداکتور سوتونلاریندان بیر دیگری شاعر آقشین ائورن دئییر کی، آرزو ائدیرم کی، بو کامئرالار ایشلهسین و بیزیم هر گونوموز تاریخه دوشسون:
«هر گون ایشده موختلیف حادثهلر باش وئریر. ایش پروسئسینده بلکه ده دیگر سایتلارین امکداشلاری یورولور، اما بیز ایلهنیریک. ایشیمیزی ذؤوق آلاراق ائدیریک. مثلاً، بیر نئچه ایل بوندان اول بیزیم بیر امکداشیمیزین ماراقلی تلفون دانیشیغینا شاهید اولموشدوق. هر زامان قولاغیمیز اؤیرشیب کی، زنگ ائدیب هانسیسا اجتماعی سیاسی خادیمین، گوندمده اولان اینسانلارین حال-احوالینی اؤیرنک. اما بو دفعه تلفوندا بئله بیر دیالوگا شاهید اولدوق:
«معلم، بس تیمساح نئجهدیر؟»، «حیوانلار نیه بئله پیس وضعیتدهدیر؟»، «دوهنی گؤردوم، ائله بیر وضعیتی پیس ایدی» و س. بونلاری ائشیدنده عالم دیدی بیر-بیرینه. او قدر گولموشدوک کی. سونرادان بیلمیشیک کی، امکداشیمیز زووپارکلا باغلی مؤوضوع ایشلییر و دانیشدیغی دا اوراداکی نمایندهلردن بیریدیر. طبیعی کی، زارافات بیر یانا، ایستردیم کی، منه گلن متنلرده حرف سهولری اولماسین (گولور). آز چالیشماقلا چوخ ایش گؤره بیلک. گونون چوخونو استراحت ائده بیلک. اما کاپیتالیزم دؤورونده بو، مومکون دئییل، باشا دوشوروک. سووئت دؤورونو یاشامیش اینسانلار همیشه دئییردیلر کی، بیلیرسینیز بیز گوندوز اوخویوب آخشام ایشلییردیک. کاش بیز ده گلهجک نسیللره دئیه بیلک کی، بیز گوندوز هم ایشلهییب، هم ایلهنیردیک. دوغرودان دا گون عرضینده بیر-بیریمیزله ائتدییمیز زارافاتلاری راحتلیقلا تلویزییایا چیخاریب جاماعاتی گولدورمک اولار (گولور). زارافاتیمیز اؤز یئرینده، جیددیتیمیز و ایشیمیز اؤز یئرینده».
سایتین سیاسی خبرلر اوزره امکداشی ایلکین حسنوو ایسه ایشی ایله علاقدار اولاراق هر گون موختلیف اؤلکهلرده اولدوغونو دئییر:
«دونیانین سیاست خبرلرینی یازیرام. اودور کی، گوندهمه اویغون اولاراق گون عرضینده دونیانین موختلیف اؤلکهلرینی "گزیرم". آرزوم بودور کی، منه هر گون دؤرد ساعت آیری اوتاقدا، دؤرد ساعت دا بورادا ایشلهمهیه ایزن وئرسینلر (گولور). آرزوم بودور کی، اوفیسده هم آنالیتیک، هم ده سیاست یازان ژورنالیستلرین شیرین، بالاجا بیر اوتاغی اولسون. داها یارادیجی اولماق اوچون حتی بو ایستیقامتده صحیفه و یا سایتین بیر قولونو یازماق اولار. آقشینین و دیگر امکداشلاریمیزین دئدیکلرینه قوشولورام. بورادان کئچمیش آخارچیلاری دا تبریک ائدیریک. یولو آخار.آذ-دان دوشن بوتون ژورنالیستلرین بئش یاشی موبارک. بورادان سیزین واسطهنیزله کئچمیش امکداشیمیز اولکره سلام گؤندریرم (گولور)».
بایان نیگار ایسه کوللئکتیوین هر زامان بئله مهریبان قالماسینی، اوفیسین ایسه شهرین مرکزینه کؤچورولمهسینی آرزو ائدیر:
«ایستردیم کی، رئداکسییامیز مرکزه داها یاخین یئرلره کؤچورولسون. من کئچمیش آذربایجان بین الخالق اونیوئرسیتتینده تحصیل آلمیشام، داها سونرا دا بو تحصیل اوجاغینا یاخین یئرلشهن یئره ایشه گلمیشم. عؤمروم بو یوللاردا کئچیب (گولور). یولوموز اوزاقدیر، اجتماعی نقلیاتین قیمتی قالخیب دئیه، بیر آز صرف ائلمیر. آخار.آذ چوخ سئویرم. آنار معلم امه ییمیزی دیرلندیریر. هر زامان لاییحهلریمیزی دینلهییب، بیزه دستک اولور. بیز ده چالیشیریق کی، دایم اونون گؤزلنتیلرینه جاواب وئرک. کوللئکتیویمیزین کؤهنه عضولرینی قئید ائتمهسم، یاخشی اولماز: نیلوفر، ایسمی، تورال، شمس الدین، ناطیقین آدینی چکمه یی اؤزومه بورج بیلیرم. چونکی اونلارلا بیرگه چوخ ایلهنجهلی گونلریمیز کئچیب. بورا منیم اوچون ایکینجی ائو کیمیدیر».
آیگون یوسوبووا گلهجکده آخارآذ-این نوروئچدهکی خصوصی موخبیری اولاجاق، دئمهدی دئمه یین:
«آخار. آذ-آ ایللردیر امک وئریرم. هر بیریمیز بورادا چیین-چیینه چالیشیریق کی، سایتیمیز داها دا بؤیوسون، تکمیللشسین. حتی گلهجکده آذربایجان مئدیاسیندا اؤز سؤزونو دئمیش بیر آگئنتلیک اولسون. ایمکان اولسا، آخار.آذ-این نوروئچده نمایندهلیگی آچیلسین و منی اورا اعزام ائتسینلر (گولور). بو ان بؤیوک آرزولاریمدان بیریدیر».
فیروزه واحیدقیزی سایتین گنج امکداشلاریندان بیری اولسا دا، ان سئویملیلریندندیر:
«ژورنالیست کیمی ایلک دفعه آخار.آذ سایتیندا فعالیته باشلامیشام. اوشاقلارلا چوخ یاخشی یولا گئدیریک. بیر-بیریمیزه دستک اولوروق. ایلکین اوچون بونو دئیه بیلمهیهجم، چونکی همیشه بیر شئی اولان کیمی دئییر «فیروزهنین ده آدین یازین، بیر یئرده «پازور» اولاق» (گولور)».
نرمین اکبرلی هدییهلری بول اولان ژورنالیستلردن بیریدیر:
«بیزیم اوچون یارادیلان شرایطه گؤره رهبرلییمیزه چوخ ساغ اولون دئییرم. بو گونه قدر هر کس بیر-بیریندن راضی اولوب. اومید ائدیرم کی، بو، بئله ده داوام ائدجک. اوغورلاریمیز دا آدیمیز کیمی آخارلی اولاجاق».
اورخان تاغییئو اؤزونو هر کسین ایشینه یارایان اونیکال ژورنالیست حساب ائدیر:
«من بو گؤردویونوز اوشاقلارین بوتون اذیتینی چکیرم. بو رئداکسییایا منیم قدر الی دولو گلن ایکینجی اینسان یوخدور. چوخ چؤرک وئرهن اینسانام. حتی یاخینلیقداکی ماغازادا منی «کوریئر» کیمی تانیییرلار. هر گون بو اوشاقلارین قیدالانماسینا من جاوابده ام».
سایتین عرب الیفباسی ایله درج اولونان بؤلمهسینده چالیشان علیرضا زامانی آخار.آذ-این دیریندن دانیشدی:
«عرب الیفباسی ایله آذربایجان دیلینده یازیلان خبرلرین ایلک مؤلفی محض آخار.آذ سایتیدیر. بو سایت اونا گؤره منه عزیزدیر کی، منیم بوتون عائلهم، یاشادیغیم و گزدییم شهردهکی اینسانلار، قوهوملاریم، دوستلاریم محض بو سایت واسطهسیله یازدیقلاریمی اوخویور. حاضردا ۴ امکداشلا فعالیت گؤستریریک. آرزو ائدیرم کوللئکتیویمیز بؤیوسون. ۱۰، ۲۰، ۵۰ ایللییمیزی قئید ائدک. بو بؤلمه سایهسینده ایندی ان آز ۴۰ میلیون آذربایجانلی دا وطنی ایله باغ قورا بیلیر. بو اوغورا گؤره آخار.آذ تبریک ائدیرم».
آخارین عرب الیفباسی اوزره چالیشان گنج امکداشلاریندان بیری ده آیتاج آراز ایلک ایش یئرینده بیر نئچه گون سونرا ۳ ایلینی قئید ائدجک:
«من بورادا دوغمالیق گؤردوم. عائله، کوللئکتیو اولماغی اؤیرندیم. بورا باشقا دونیادیر».
داها بیر امکداش آینوره خانیمدیر. او دا عرب الیفباسی ایله هر گون اوخوجولارا ماراقلی اینفورماسییالار یازیر:
«گونئی آذربایجان اهالیسی اوچون یازیلار حاضیرلاییریق. حاضردا منه آخار.آذ-این ان گنج امکداشی دئییرلر. بیرلیکده چالیشیریق کی، اوخوجولاریمیز اوچون فایدالی اولا بیلهجک یازیلار یازاق. معاریفلندیریجی مقالهلر اولسون. بو گون اسکی الیفبا ایله یالنیز بیزیم سایتدا یازیلار گئدیر. بو اؤزو ده چوخ بؤیوک اوغوردور».
سایتین روس و اینگیلیس وئرسییالاری دا فعالیت گؤستریر. اینگیلیس بؤلمهسینده چالیشان اوشاقلارین سئویملی رئداکتورو رفیقه ممدزاده هر کسی تبریک ائدرک باشدا اینگیلیس وئرسییاسی اولماقلا آخار.آذ سایتینا اوغورلار آرزولاییر:
«سایتین اینگیلیس وئرسییاسی هله چوخ یئنیدیر. قیسا مدتده فعالیت گؤسترمهسینه باخمایاراق، اؤزونون اوخوجو کوتلهسی وار. آرزو ائدیرم کی، آذربایجان مئدیاسیندا آخار.آذ-این قازاندیغی اوغورلار قدر اینگیلیس وئرسییاسی دا اوغورلو اولاجاق. ماراقلی لاییحهلر، اوغورلار هله قاباقدادیر».
روس وئرسییاسینین رداکتورو روسلان قاسیموو ۴ ایلدیر کی، آخار.آذ-دا چالیشدیغینی دئییر:
«روس وئرسییاسی دؤرد ایلدیر فعالیت گؤستریر. من باشقا سایتدا چالیشیردیم. آخار.آذ-این روس وئرسییاسی آچیلان گوندن بورادایام و ایشیمه حقیقتن جان یاندیریرام. من اونا اؤز بالام کیمی یاناشیرام. تکلیف ائدیرم کی، آخار-این بوتون وئرسییالاری گئنیشلنسین. بؤیوک عائله کیمی بیرلیکده بول-بول اوغورلار قازاناق».
آخار تو اوچون دعوت اولونان خانیم-خاتین سئوینج خانقیزی ایسه بو سایت سایهسینده وطنده قالدیغینی دئییر:
«منیم بو شیرکتده ایشه باشلاماغیمین آلتی آیی تامام اولسا دا، بو، حیاتیمین دؤنوم نقطهسی اولدو. چامادانیم دهلیزده گؤزلییردیم کی، ماشین گلهجک و من اؤلکهدن گئتمک اوزره یولا دوشهجهیم. لاکین زنگ گلدی و بئله بیر لاییحه تکلیف ائدیلدی. من ده راضیلاشدیم و بورایا گلدیم. سوژئتلر، کؤشهلر، ماراقلی لاییحهلر و تلویزییا آپاریجیسی اولاراق چالیشماغا باشلادیم. بئله-بئله داوام ائدیریک. من ده تبریکلره قوشولورام، بیزی تبریک ائدیرم. اوغورلاریمیز بول اولسون».
بیز ده آخار.آذ کوللئکتیوینی تبریک ائدیر، داها بؤیوک اوغورلار آرزولاییریق!
کؤنول جعفرلی،
فوتو: سفیار مجنون
