گونئی آذربایجاندا ترنده چئوریلن، داها سونرا اؤلکهمیزده گوندهمی الینه آلان «سنی دئییرلر» ماهنیسینین ایفاچیسی ایبراهیم علیضاده نین آخار. آذ-آ موصاحیبهسینی تقدیم ائدیریک:
- آذربایجاندا چوخ تانینیرسینیز و اعتراف ائدک کی، بیر ماهنی ایله بو جور تانینماق هر کسه نصیب اولمور. اولجه، اؤزونوزدن باشلایاق...
- ماکودا آنادان اولموشام. اون ایکی ایلدیر کی، بو ایشله مشغولام: اوخویورام، تویلارا گئدیرم. منی مشهورلاشدیران ماهنینی دا هر دینلهینده شاد اولورام. شادام کی، اؤز اؤلکهمیزده تورک قارداشلاریمیز منه حیمایت ائدیرلر. ائله جه ده ایراندا سئویلیرم و بو حال منی ممنون ائدیر.
- گونئیده «سنی دئییرلر» کامپانییاسی باشلادیلاندان سونرا قوزئیدن ده آکسییایا دستک گلدی. بونونلا دا ماهنی گونئی ایله قوزئیین سیموولونا چئوریلدی. بس سیز نئجه، «سنی دئییرلر»این سوییهسیندن راضیسینیزمی؟
- من اؤز ماهنیمدان، البته کی، راضییام. او زامان راضی اولمازدیم کی، دینلییجی لریم تویلاردا بونو بیهنمهسینلر. بیر ده تورک دیلیندهدیر. بو دا منیم خالقیمین اوره یینی سئویندیریر. اونلارین سئوینمهسی ایسه منه آیری بیر خوش حیس لر یاشادیر.
- «سنی دئییرلر»این سؤزلرینین کیمه مخصوص اولماسی دا یونگول بیر موذاکیرهیه چئوریلدی.
- «سنی دئییرلر» ۳۵-۴۰ ایل بوندان اؤنجه دیرلی آشیقلاریمیز، صنعتکارلاریمی آشیق محمدعلی محمودی و آشیق اسد اللاه رهسی پور طرفیندن اوخونوب و یازیلیب. منه گؤستریلن سنهده، کاغیذا گؤره اونلارین ماهنیسیدیر. من، سادجه، اؤز سؤزلریمی ماهنییا علاوه ائتمیشم: «اورمو دریاسی»، «اورمو گؤلو»، «اورمو قیزلاری»... و بونو مقصدلی شکیلده دئییل، تویدا ایفا زامانی دئمیشم، اورک سؤزلریم ایدی. ایندی چوخلاری دئییر کی، بو ماهنی بیزیمدیر. دیرلی شاعرلریمیزین ده چوخو دئدی کی، «یوخ، بو ماهنی بیزیمدی». اما ائله دئییل. «سنی دئییرلر» سولدوز، قاراپاپاق ماهنیلاریندان بیریدیر کی، آشیقلاریمیز سسلندیریبلر. اوخودوغوم ماهنینین سؤزلری ایسه، دئدییم کیمی، اؤز سؤزلریمدی، یعنی سؤزلرینی تامام دییشمیشم. البته کی، اونلارین ایجازهسی ایله. بیلدیرمهلییم کی، «سنی دئییرلر» کلمهسی چوخ اؤنملیدیر. منیم معلوماتیما گؤره، ۴۰ ایلدیر کی، «سنی دئییرلر» کلمهسی ماهیلاردا ایفا اولونور.
- اونلاری بؤیوک صنعتکارلار دئیه بیلر. منه اؤنملی اولان بودور کی، خالقیمیز بونا چوخ گؤزل رئاکسییا وئردی. وورغولامالییام کی، دستک اولماسا ایدی، باجارمازدیم. منجه، تک بو ماهنی دئییل، چوخلو ماهنیلاریمیز وار کی، خالقیمیزین ترئندینه چئوریله بیلر.
- حاقلیسینیز، بونا آچیقلاما لازیمدیر. چونکی چوخلاری بونا سیاسی مؤقعدن یاناشیر. تویدا ایفام زامانی گولمهلی بیر صحنه یارانمیشدی. آشیق میضرابی دوز وورموردو. اونا گؤره ده توی منه خوش گلمیردی. تبریزدن ده قوناقلاریمیز واردی. اونلار دوروب تورکجه ماهنی ایستهدیلر. اوره ییمدن کئچدی کی، دئییم، «اورمو دریاسی نه اوزمهلیدیر». «اومو دریاسینی اوزمهلی گؤردوم» دئیهنده باخدیم کی، آشیق موداخیله ائدیر، «دریا-دریا» دئییر. اونا ایشاره ایله «قوروتدولار دا، قارداش» دئیهرک، سؤزومو کسمه ایسته یینه اعتراضیمی اونا یئتیردیم. یعنی، سن دینمه. بئلهجه، بو ماهنینین اولینده او سؤزلر یاراندی. اما گؤرونتو یوخدور، اوردا حادثهلرین نئجه باش وئردیی بیلینمیر، یالنیز سس وار دئیه، بونو دا هره بیر جور یوزور.
- او ماهنینی من سونرا اوخودوم. یاییلان منیم تویدا اوخودوغوم وئرسییادیر. چوخلاری چیخیب دئدی کی، من اوخوموشام. بو، آداما پیس گلیر. همین ماهنینی اوخویانلارین آدلارینین سیاهیسینی یازیبلار، بلکه ۱۰۰ نفر وار ایدی. بونا گؤره دوشوندوم کی، گئدیب تویلارین بیرینده اوخویوم، بیلسینلر کی، منیمدیر. سونرا اینستاگرامدا پایلاشدیم. دوستلار دا پایلاشدیقدان سونرا بیلیندی کی، بو ایفا منه مخصوصدور. اورادا کامئرامانا دئییرم، «سید، سنی دئییرلر»، یعنی بو فرقلی ده اولا بیلردی.
- «قوروتدولار دا» سؤزونه گؤره هانسیسا ناراحاتلیق یاشامادینیز کی؟
- یوخ، هئچ واخت.
- ۳۵-۴۰ ایل اؤنجه اوخونان ماهنینی بیردن سیز ایفا ائتدینیز و بو قدر سرعتله یاییلدی...
- خیر، ایلک دفعه بو ماهنینی ۴ ایل اؤنجه اوخوموشام. سونرا سئویلدیینی گؤروب، سوسیال شبکهده پایلاشدیم. «اورمو دریاسی» دا سوسیال شبکهده پایلاشیلاندان سونرا یاییلدی.
- سیزین اوسلوبونوزدا توی ایفاچیسینین اورادا چوخ اولدوغونو دئییرلر. دوشونوردونوزمو کی، ایفانیز بو قدر رئزونانس دوغورار؟
- آجیغی دوشونموردوم. ائله لری وار کی، بو مقاما گلمک اوچون چوخ اذیت چکیرلر. من اما الله ایمین ایسته یی و رضاسی ایله بو یئره گلمه یی باجاردیم.
- ائله بیر سوییهیه چاتمیسیز کی، چوخلاری سیزی تانیییر، مهشورسونوز. بس بو صنعتین تحصیلینی آلماق، داها پئشه کار موسیقیچی اولماق ایستردینیزمی؟
- بؤیوک آرزومدور کی، موسیقی ساحهسینده تحصیل آلیم، الیمده بیر دیپلوموم اولسون. بؤیوک اوستادلاریمیزدان درس آلیب، بوندان دا گؤزل ماهنیلار ارسییه گتیرمک نیتیندهیم.
- بیر چوخلاری اولوب کی، آنیدن مهشورلوق قازانیبلار و بیر مدتدن سونرا اونودولوبلار. سیز ده بو ماهنی ایله قازاندیغینیز اوغورون ان آزی یاریسینی ساخلاماق اوچون هر هانسی بیر ایشلر گؤرورسونوزمو؟
- بیلیرسیز، ماهنی اوخوماق آساندیر. گؤزل سسی اولان دا چوخدور، بوردا، ایراندا، عمومیتله، هر یئرده. فیکریمجه، سسدن علاوه، سؤزلر ده اینسانین اوره یینه یول تاپمالیدیر. «سنی دئییرلر»دن سونرا سوسیال شبکهلرده ایزلییه جی لریم چوخالدی. من ده اونلارا بؤیوک حؤرمت بسلییرم و اونلارین سئوگیسینی، بئله دئیک، دوغرولتماغا چالیشاجاغام.
- «سنی دئییرلر» ۳ آیدیر هر یئردهدیر. سیز نئجه، هارداسینیز، بو ۳ آیدا نه اوزرینده چالیشمیسینیز؟
- من ۲ آی تک ایشلهمک مجبوریتینده قالدیم. بو دا زامان ایتیرمهمه سبب اولدو. حاضردا ۴-۵ ماهنیمیز حاضر اولماق اوزرهدیر.
- «سنی دئییرلر» کامپانییاسی گونئیده گنج قیزین اویناماسیندان، آردییجا حبس اولونماسیندان سونرا باشلادی. یعنی خالق بو حادثهدن سونرا کوچهده «سنی دئییرلر»له رقص ائدیردی. سیزجه، نیه «سنی دئییرلر»؟
- او قیزین توتولماسی تامامیله یانلیشدیر، شاییعهدیر. نیه توتسونلار کی؟ موسیقی بشر اوچوندور. منیم عزیز باجیم بو ماهنیدا اوینایاندا قوربان بایرامی عرفهسی ایدی، شنلیک ایدی. عزیز خالقیمیز دا «نه گؤزل اویناییب، بیز ده اوینایاق» دئدی. من او قیزی تانیمیرام. درسه گئتدیینی و ۱۲-۱۳ یاشی اولدوغونو بیلیرم.
- اینسانلارین بو ماهنیدا اویناماسینا سبب کیمی بیر چوخلاری دیل فاکتینی اساس گتیریبلر. اما سیز دئییرسینیز کی، هئچ بیر سیاسی چالار یوخدور؟
- هئچ بیر سیاسی چالاری ایچینده یوخدور. بو ماهنیدان سونرا منه بیر چوخ یئرلردن زنگ گلدی و دئدیلر کی، آغا، بیز بیلمیریک سن نه دئییرسن، اما او قدر گؤزل چالیرسان کی، بیز ده اویناییریق. نورمال حالدیر. فارسلارین بیر ماهنیسی تورکلرین خوشونا گله بیلر. ائله جه ده بیزیم هر هانسیسا ماهنیمیز اونلارین خوشونا گله بیلر. منجه، هر شئیده سیاسی چالار آختارماق لازیم دئییل.
- سیزین رئداکسییامیزا قوناق اولدوغونوز تاریخ آخار.آذ-این ۵ یاشینین تامام اولدوغو گونه تصادف ائدیر...
- هه، سئویندیریجی اولدو. بیر داها سیزی تبریک ائدیرم. بیر مسئله نی ده دئییم کی، بیزیم باجیمیز بو ماهنییا اوینادیقدان سونرا «سنی دئییرلر» داها دا مهشورلاشدی. اما ماهنینی بوردا ایلک یایان، بیلدییم قدریله، آخار.آذ-دیر. بونا گؤره ده من سیزین تکلیفینیزی چوخ سئوه-سئوه قبول ائلدیم. چوخ سئوینیرم کی، بوردایام. وار اولاسینیز!
