اوکراینانین دنپروپترووسک ویلایتین‌ده آذربایجان‌لی پلیس قادینین پئشکارلیغی دیللر ازبریدیر. کریووی روق شهرینده دوغولوب بویا-باشا چاتان پلیس کاپیتانی کارینا مممد قیزی علیئوانین آذربایجان سئوگیسی، وطنپرورلیگی سویداشلاریمیزین دیلیندن دوشمور.

قیرمیزی دیپلم و زنگین ایش فعالیتی

او، ۱۹۸۵-جی ایلده کریووی روق شهرینده آنادان اولوب. آتاسی آذربایجانلی، آناسی اوکراینالیدیر. ۲۰۰۳-جو ایلده بو شهرده لیسیی بیتیریب، ۲۰۰۸-جی ایلده ایسه اودسا میللی حقوق آکادمییاسین‌دا تحصیلینی قیرمیزی دیپلملا باشا ووروب. ائله همین ایلده‌ن اوکراینانین داخیلی ایشلر اورقانلاریندا چالیشیر. ایلک ایش یئری کریووی روق شهرینین رایون پلیس بؤلمه‌سی اولوب، اورادا موستنتیق ایشله‌ییب. ۲۰۱۲-۲۰۱۴-جو ایللرده دنپروپترووسک ویلایتی میللی پلیس باش ایداره‌سینده خصوصی ایشلر اوزره موستنتیق کیمی چالیشیب. ۲۰۱۴-۲۰۱۷-جی ایللرده دنپر شهر آیروپورتونون ایستینتاق شعبه‌سینین رئیسی اولوب. حاضردا دنپروپترووسک ویلایتی میللی باش پلیس ایداره‌سینین متروپولیتنده پلیس بؤلمه‌سینین رئیسیدیر.

اوشاق‌لیق آرزوسونو گئرچکلشدیرن پلیس سویداشیمیز

کارینا علیئوا دئییر کی، داخیلی ایشلر اورقانلاریندا چالیشماق اونون اوشاقلیق آرزوسو اولوب: «اونا گؤره ده پلیس اورقانلارین‌دا ایستدییم هدفه چاتماق اوچون هوسله ایشلییرم. اؤز پئشه‌می چوخ سئویرم. ملکی اهالی آراسین‌دا پلیسه اینام و اعتیمادی آرتیرماق اوچون بوتون باجاریغیمدان ایستیفاده ائدیره‌م».

او بیلدیریر کی، پلیس گئییمینده، چینینده پاقون گزدیره‌ن قادین اولماق گؤزل بیر دویغودور. بو، اطراف‌داکی اینسانلارا دا خوش تأثیر باغیشلاییر. پلیس قادین سویداشیمیز وطنداشلارلا اونسیتده صمیمی، نزاکتلی داورانیشیملا سئچیلمه‌یه چالیشیر.

او، اوریینده آذربایجان سئوگیسی گزدیریر

اوکراینادا یاشایان سویداشلاریمیز کارینا علیئوانین اونلارا حساس موناسیبتین‌دن، وطنپرورلیین‌دن آغیزدولوسو دانیشیرلار. بو باره‌ده سؤز دوشنده دئییر: «بو یئرلرده بؤیویوب بویا-باشا چاتماسام دا، آذربایجانین هر بیر گوشه‌سی منیم اوچون دوغما و عزیزدیر». بیزیمله صحبت زامانی دا قید ائتدی کی، اوریین‌ده هر زامان آذربایجان سئوگیسی گزدیریر. تکجه باجاریقلی پلیس ایشچی‌سی کیمی یوخ، هم ده وطنپرور بیر شخص کیمی تانینماق واجیبدیر.