آتاسی ایسپان منشأ‌لی آذربایجانلی (ایران آذربایجان‌لیسی)، آناسی ایران‌لی اولان سارا پوور حیاتینی ایکی دؤنه‌مه آییریر. اؤنجه‌دن یاشادیقلاری و حیاتا باخیشینی دییشن بیر موتوسیکلت قزاسیندان سونراکی یاشانتیلاری...

کولت. آذ خبر وئریر کی، بو قزادان سونرا حیاتینی تزه‌دن یازان و اؤزونده جسارت تاپان سارانین والیدینلری ۱۳ ایل اؤنجه ایراندان تورکییه‌یه کؤچوبلر. آذربایجان دیلینی بیلدییندن، سارایا تورکییه‌ده یاشاماق چتین اولمور. آنکارادا عثمان قاضی اونیورسیتتینین اجزاچیلیق فاکولته‌سینی بیتیریر. اونیورسیتت‌ده تحصیل آلارکن ۳ ایل آکتیورلوق درسلری ده آلیر و آنکارادان ایستانبولا - هئچ تانیمادیغی، بیلمدیی بیر شهره کؤچور.

۲ ایل سونرا ایتالییایا گئدیب شعور,لتی تمیزلیک و هیپنوز درسلری آلیر. دؤنندن سونرا موتوسیکلته اولان ماراقدان دولایی اونو سورمیین ده درسلرینه گئدیر و موتوسیکلتلی حیاتینا باشلاییر. دونیانی، حیاتی وئجینه آلمیر، آنجاق اؤز ایشیله مشغول اولور. اما ۴ ایل اؤنجه کئچیردیی قزا زامانی ثانییه‌لرین اونا ساعت کیمی گلدیی دؤنمده، هر شئیین بیتدیینی، حیاتین نه قدر قیسا اولدوغونو دوشونرکن شعورآلتی «قورخما، من یانیندایام» حسلری اونو حیاتا باغلاییر. «اگر ساغ قالسام، حیاتی‌می دییشدیرره‌م» - دئیه اؤزونه سؤز وئریر.

«او گوندن ایتالییادا آلدیغیم هیپنوز و شعورآلتی درسلرینده اؤیرندیکلریم اوزرینده چالیشماغا باشلادیم. و قارشیلیقلی موناسیبتلر اوزرینده چالیشدیم. موناسیبتلری چؤزمه‌یه، اینسانلارا یول گؤسترمه‌یه چالیشدیم و ایستدییمه نایل اولدوم»، - دئییر سارا.

بو فیکیرلر نیوباکو هتلین‌ده رگیونال حقوقی و اقتصادی معاریفلندیرمه اجتماعی بیرلیینین صدری آرزو باغیرووانین تشکیلاتچیلیغی ایله باش توتان "اوغورون آچاری-اؤزگووه‌ن" آدلی چوخ ماراقلی، پوزیتیو انژری بخش ائد‌ن کنفرانس‌دا سسلندیریلدی. سوسیال مئدیادان چیخیش و پایلاشیملارینی ایزلدییمیز تانینمیش یازار سارا هوورلا کئچیریلن گؤروشده اینسانین داخیلی عالمی ایله سسلشن مسئله‌لر اطرافیندا ماراقلی فیکیر موبادیله‌سی اولدو. دیرلی ضیالی خانیملارین، مئدییا نماینده‌لرینین، گنجلرین ایشتیراکی ایله کئچن گؤروشده سارا خانیمی گؤرمک و دینله‌مک حقیقتا ده خوش ایدی. چونکی بعضا سوردویوموز حیات، انرژی و اورکلریمیزده‌کی اومیدلری یئنی‌دن جوجرتمک و قالدیغین یئردن داوام ائده بیلمک اوچون بو جور موتیواسییا کاراکترلی چیخیشلارا هر کسین احتیاجی اولور. سارا پوورون اؤزگووه‌ن، ایشیغا دوغرو گئتمک، مثبته دوغرو دییشمک و هدفه چاتماق اوچون اوستاد درسلردن آلدیغی بیلگیلره ایستیناد ائدیب وئردیی توصیه و حیاتدا باش وئره‌ن اؤرنک حکایه‌لر حقیقته‌ن ده اینسان‌دا باشقا احوال روحییه‌نین اویانماسینا تکان وئره‌ن عامل کیمی قبول ائدیله بیلر. همیشه خانیملارین یانیندا اولان، اونلارین پروبلملرینه ایلک سس وئره‌ن و قوجاق آچان، اینسانلیغا دستک اولان میللت وکیلی قنیره پاشایئوا اؤز فیکیر و ملاحیظه‌لری، حیاتا یئنیدن، داها گوجلو آتیلماغین یوللاری باره‌ده سؤیلدیکلری بو گؤروشده حیران‌لیقلا دینلنیلدی. عائله ایله باغلی، ایش دونیاسیندا چالیشماغین چتینلیکلرینی ساده دیلله ایضاح ائد‌ن پاشایئوانین دوشونجه‌لری، گتیردیی مثاللار، اصلینده، سارا خانیمین سؤیلدیکلری ایله اوست-اوسته دوشوردو.

سارا پوور ۵ دقیقه‌لیک پسیخولوژی سئانس دا کئچ‌دی، «هر شئی‌ده گؤزل‌لیک گؤرون» - دئدی. اونون فیکیرلری، یاشام فلسفه‌سی بودور کی، اینسان باخدیغی زامان ایستدیینی، آرزوسونو، دوشونجه‌سینه اویغون اولانی گؤرسون. نگاتیو (منفی گرایی) دوشونجه‌لری اؤزون‌دن کنار ائتسین، پوزیتیو (مثبت گرایی) دوشونسون کی، پوزیتیو قارشی‌لیق آلسین.