آنا صحیفه رپورتاژ |
میکاییل موشفیق وورغونلاری ایلین ان اوزون یاغمورلو بیر قیش گئجهسینده - دئکابرین ۲۱-ده، حیدر علیئو ساراییندا شاعرین یارادیجیلیغینا حصر اولونموش موسیقیلی کونسرت پروگرامینا توپلاشمیشدی. کونسئرتین باشلاماسینا بیر ساعت قالماسینا باخمایاراق، سؤز صنعتینین ایلاهی تأثیر قوهسینه آجمیش تاماشاچیلار ضررهلرینی شاعرین درین، بیر او قدر ده قیمتلی شعیریاتی ایله قیدالاندیرماغا و اونون پویزییاسینین سهرینه دوشمهیه تلسیردی.
Publika.az خبر وئریر کی، آذربایجان تلویزییاسینین مدنیت کانالی و حیدر علیئو سارایینین بیرگه تشکیلاتچیلیغی ایله کئچیریلهن «موشفیقلی دونیا» آدلی ادبی-بدیعی گئجهده اساس سؤزو میکاییل موشفیق پویزییاسی و اؤلمز شاعرین سؤزلرینه یازیلان نغمهلر دئییردی. میکاییل موشفیقه حصر اولونموش تدبیرده جانلی موسیقی ایله پویزییانین آهنگدار وحدتی مونوتون حیاتین و تئخنولوگییالارین ایفلاسا آپاردیغی منویاتیمیزی زنگینلییه و آیدینلیغا دعوت ائدیردی.
ادبی-بدیعی گئجهده رسپوبلیکانین خالق آرتیستلری زاور رزایئو، رامیز قولیئو، گولیاز ممدووا، نازپری دوست علیئوا، گولیاناق ممدووا، امکدار آرتیستلر آنار شوشالی، آلماز اوروجووا، بابک نیفت علیئو، آذربایجان تلویزییا و رادیوسونون سولیستلری ظابطه علییئوا، آرزو علیئوا، سرخان بونیادزاده، پرویز قاسیموو، صبینه عربلی، ایلکین احمدوو، آیشن مهدیئوا، ممد نجفوو، نادیر غفارزاده، گونای اماموئردیئوا، آیتن محرمووا، کؤنول ممدلی و باشقالاری موشفیقین شعیرلرینه یازیلمیش نغمهلری ایله بوتون زالی پوئتیک دوشونجهلر دریاسینا قرق ائدیردی. پرزیدنت ایلهام علیئوین آذربایجان ادبیاتینین گؤرکملی نمایندهسی «میکاییل موشفیقین ۱۱۰ ایللیینین قید ائدیلمهسی حاقیندا» مووافیق سرانجامینا اساساً باش توتان کونسئرتده موغننیلرین جانلی اورکسترین موشایعتی آلتیندا سسلندیردیی ایفالاری قلبیمیزین ساری سیملرینه توخوناراق سؤنموش دویغولارا ایشیق سالیردی. سؤزسوز کی، تاماشاچیلار دا اؤز نؤوبهسینده گؤرکملی صنعت نمایندهلرینین نغمه پایینی قارشیلیقسیز قویمور، میننتدارلیق علامتی اولاراق اونلاری گورولتولو آلقیشلارلا موکافاتلاندیریردی. بو آلقیشلار هم ده ابدیاشار سنتکارین روحونا درین ائهتیرامین ایفادهسی ایدی.
ساغ ایکن سارسیلماز وارلیغی ایله ادبیات تاریخینده سیلینمز ایزلر بوراخان سؤز اوستادینین بو گئجه یوخلوغو دا جسارتلی داورانمیشدی. میکاییل موشفیقین شعیر میصراعلاریندا گیزلنمیش روحو سانکی سارایدا گزیشیر و بیزی داریخماغا قویموردو. سارای سهنهسینین دیوارلارینی بزهیهن لیریکاسی شاعرین بو گئجه بیزی تک قویمادیغینی پیچیلداییردی. ادبی-بدیعی گئجهنین آپاریجیسی آیشهن شاکیرقیزینین ملاهتلی دیلیندن سسلنهن اثرلر سرین بولاق سویو کیمی قولاقلاریمیزدان بئینیمیزه، اوردان ایسه قلبیمیزه آخاراق سنتکارین اؤلمدیینی، اصلینده ابدیته قوووشدوغونو بیزه بیر داها خاطیرلادیردی. حیدر علیئو سارایینین صحنهسینده رئاللاشان میکاییل موشفیقین شعیر روزگارینین ایلاهی گوجو زالدا اوتورانلاری تیلسیمه سالاراق حیاتینین ان گؤزل چاغیندا اؤلدورولهن شاعرین کؤکسوموزده یئر سالمیش نیسگیلینی قووماغا چالیشیردی.
۲۰-جی عصر آذربایجان ادبیاتینین گؤرکملی نمایندهسی، رپرسییا قوربانی میکاییل موشفیقین یارادیجیلیق گئجهسی آلقیشلارلا باشا چاتدی. لاکین یوکسک سوییهده تشکیل اولونموش پویزییا آخشامی بوتون زالی ائله بیر معنوی یوکسکلییه قالدیرمیشدی کی، هئچ کیم یئریندن ترپهنمک و بو کونسرتین بیتمهسینی ایستهمیردی. شوبههسیز کی، قوناقلار هله اوزون مدت پویزییا تراپییاسینین تأثیریندن چیخا بیلمهیهجک. آخی میکاییل موشویق ۲۹ ایللیک کیچیک عؤمره سیغیشان بؤیوک صنعت اوغورلاری، غیری عادی یارادیجیلیغی ایله بو گون ده اینسانلاری هم دوشوندورور، هم حیرتلندیریر، هم ده سئویندیریر. اودور کی، اؤلمز شاعرین صنعت نومونهلرینین یانغیسی قلبیمیزی ایسیتمهیه و قولاقلاریمیزدا سسلهنمهیه هله چوخ داوام ائدجک.
میکاییل موشفیق قیسا عؤمرونه باخمایاراق، اوریژینال اثرلری ایله آذربایجان ادبیاتیندا درین ایز قویوب، قدیم و قودرتلی آذربایجان پویزییاسیندا اؤز یولونو یارادیب. میکاییل موشفیقین شخصیتی میللی شعور و وطنپرورلیین تیمسالی، یارادیجیلیغی ایسه گنج نسلین میللی منلیک شعورونون اینکیشاف ائتدیریلمهسی و گنجلریمیزده وطنپرورلیک حسلرینین تربییهسینده عوضسیز خزینهدیر.
تاریخ
2018.12.22 / 17:53
|
مولف
Axar.az
|