بو گون چچنیستانین ایلک پرزیدنتی جؤوهر دودایئوین دوغوم گونودور.

Axar.az خاتیرلادیر کی، او، ۱۹۴۴-جو ایلین ۱۵ فورالی چچنیستانین یالهو کندین‌ده دوغولوب. دودایئو چچنیستانین ایلک آویاسییا گنرالی ایدی. او، ۱۹۹۰-جی ایلده چچنیستانین دا روسییانین ترکیبیندن چیخاراق اؤز موستقیللیینی اعلان ائدجیینی بیلدیرمیشدی.
دودایئو ۱۹۹۴-جو ایلین ۳۱ دکابرین‌دا روس قوشونلارینین شهره اوغورسوز هوجومونو قارشی‌سینین آلینماسیندا اؤنملی رول اوینادی. لاکین ایکی آی داوام ائد‌ن دؤیوشلر ۱۹۹۵-جی ایلین فورالیندا شهرین روسلارا تسلیم اولماسی ایله نتیجه‌له‌ندی. دودایئو حاکمیتینین سیموولو اولان و اوغروندا آمانسیز دؤیوشلرین گئتدیی پرزیدنت ایقامتگاهی روسلار طرفیندن پارتلادیلدی. لاکین دودایئوی اله کئچیرمک مومکون اولمادی.

دودایئوه قارشی اوچ سوء-قصد جهدی اوغورسوزلوقلا نتیجه‌له‌ندی. بیرینجی سوء-قصد زامانی سنایپئرین سهوی نتیجه‌سینده دودایئو ساغ قالیر. سونراکی جهدده ایسه یولا قویولموش مینا دودایئوین ماشینین کئچیدی زامانی پارتلاسا دا، چچن لیدری یونگول خسارت آلیر. اوچونجو جهد زامانی ایسه دودایئو اؤز محافظه خیدمتی ایله بیرلیکده گیزلندیی ائوین پارتلادیلماسیندان ۵ دقیقه قاباق اورانی ترک ائدیر.

لاکین ۱۹۹۶-جی ایلین آپرلین اورتالاریندا چچنیستانین ساچی رایونون یاریش-ماردی کندی یاخینلیغیندا روس قوشونلارینین حربی کاروانینا هوجوم دودایئوه قارشی خصوصی عملیاتین باشلانماسینی سورعتلندیریر. هوجوم نتیجه‌سین‌ه چچنلر روسلارا بؤیوک ایتکی یاشادیر. بوندان سونرا اهالی آراسین‌دا نفوذدان دوشمه‌یه باشلایان پرزیدنت بوریس یئلتسین فدرال تهلوکه‌سیزلیک خیدمتی و باش کشفیات ایداره‌سینه دودایئوین نیین باهاسینا اولورسا-اولسون محو ائدیلمه‌سی گؤستریشینی وئریر. خصوصی خیدمت اورگانلاری ۱ میلیون دلار قارشیلیغین‌دا یئرلی اینفورماتورلاردان دودایئوین تلفنلا دانیشدیغی اراضینی معینلش‌دیریرلر. خصوصی عملیاتی یئرینه یئتیرمک اوچون ۲ سو-۲۵ قیریجی طیاره‌سی آیریلیر. قیریجی طیاره‌لر خصوصی هدفی اؤزو معینلشدیره‌ن لازر باشلیقلارلا تجهیز ائدیلیر.

تلفنون سیگنالی قیده آلینان کیمی همین طیاره‌لر هاوایا قالخاراق هدفی محو ائتمه‌لی ایدیلر. بوتون سوتکا بویو اراضینی نظارته گؤتوره‌ن روسلار دودایئوین تلفنلا زنگ ائتمه‌سینی گؤزله‌مه‌یه باشلاییرلار. نهایت، ۱۹۹۶-جی ایلین آپرلین ۲۱-ده قروزنی شهرین‌دن ۳۰ کم جنوب‌دا یئرلشن قئخی-چو کندی یاخینلیغیندا دودایئوین تلفنلا دانیشاجاغی باره‌ده روسییا کشفیات خیدمتینه چچن جاسوسلاری طرفیندن معلومات اؤتورولور. درحال هاوایا قالخان طیاره‌لر هدفی محو ائدیرلر.

عادتا، تلفونلا ۵ دقیقه‌دن آرتیق دانیشمایان دودایئو همین گون تلفونلا ۱۰ دقیقه‌یه یاخین دانیشیر. دودایئوه دوغرو آتیلان ایکی راکت‌دن بیری دوز اونون باشینا دییر و او، یئرینده‌جه کئچینیر. ایکی محافظه‌چی‌سی ده اونونلا بیرلیکده هلاک اولور. اونون نشی اطراف‌داکی اینسانلارین کمکی ایله دفن ائدیلسه ده، دفن اولوندوغو یئر نامعلوم اولاراق قالیر…

Axar.az-آ موصاحیبه‌سی زامانی چؤوهر دودایئوله باغلی خاطره‌لرینی بؤلوشه‌ن پئشکار ژورنالیست آغاسی هون اونون اؤلکه‌میزه - آذربایجانا بؤیوک اومیدلر بسلدیینی سؤیلییر:

«جؤوهر دودایئو آذربایجانا چوخ اومید بسلییردی. آذربایجانی چوخ سئویردی. من اونونلا چوخ گؤروشموشه‌م. بیر دفعه اس اس ار ای-نین کئچمیش داخیلی قوشونلار کوماندیری گنرال سوفیان بپپایئو، بالکار تورکلرینین "تؤره" تشکیلاتینین باشقانی باهاوالدین اتیازوو - اوچوموز بیرلیکده جؤوهر دودایئوله گؤروشدوک. دودایئو گؤزل بیر صحبت ائلدی. دئدی کی، من قارابولاقلییام. قارابولاقلیلار روس-قافقاز ساواشیندا روسلارا ان چوخ مقاومت گؤسترن تورک خالقیدیر. بو گون اینقوشتییادا کارابولاک شهری وار. بیر چوخ خالقلاری تاماما محو ائد‌ن روس دؤولتی قارابولاقلیلارین دا تمامن یئر اوزوندن سیلینمه‌سی اوچون امر وئرمیش و بو خالقین ساغ قالانلاری داغلارا چیخاراق، وایناخلارین آراسیندا اریدیلر. بو زامان قارابولاق آدینی چچن و اینقوشلارین آراسین‌دا طایفا و توخوم آدی اولاراق قورویا بیلدیلر. آذربایجاندا و بیر نئچه تورکدیللی اراضیلرده قارابولاق آدلی کندلر چوخدور. ائلجه ده بو آددا چچنیستان‌دا دا هم طایفا، هم ده کندلر وار. دودایئو دئدی کی، منیم پاسپورتومدا چچن یازیلیب، قارداشیمین پاسپورتوندا اینقوش. اما من اصلا قارابولاق تورکویه‌م. آنجاق من تورک اولدوغومو ایندی آچیق شکیلده بیان ائده بیلمرم. بو، گلجیین ایشی‌دیر».