غربی آذربایجان‌داکی حکومته یاخین بعضی مئدیالار اوستان پروکورورو مصطفی حبیبینین اورمو بلدییه صدری محمد حضرتپورا گؤندردیی مکتوبون شکلینی یاییب.

مکتوب‌دا اورمو قدیم بازارینین اراضی‌سینین عراق‌لی کورده ساتیلماسی سببی ایله بیر چوخ بازار آداملارینین اعتراض مکتوبونو آلدیغینی وورغولایان پروکورور بله‌دییه صدرین‌دن بو اراضینین ساتیشینی دایان‌دیرماسینی ایسته‌ییب.
قید ائدیلیر کی، دیری ۳۰۰ میلیارددان چوخ اولان بیر یئرین ساتیشین‌دا ایلک باش‌دا شهر شوراسی و فرماندار طرفین‌دن قرار لازیم‌دیر. ایکینجی‌سی، بو یئرین ساتیشی اومومی بیلدیریشله موذاکیره‌یه قویولمالی، اوچونجوسو ایسه اجنبی شخصه ساتیلمادان اؤنجه او آداملارین سلاهیت‌لی اولمالاری تثبیت ائدیلملی‌دی. بو سببلردن دولایی اورموداکی امام میدانینین ساتیشی بیر سونراکی خبردارلیغا قدر دایاندیریلمالی‌دیر.

اورمو میللت وکیلی نادیر قاضیپورا یاخین مئدیالاردا پایلاشیلان ادعالارا اساساً، قاضیپور بلدییه صدری حضرتپورا قارشی پروکورورا شیکایت ائدیب. بو سببله هزرتپورون اؤلکه‌دن چیخیشی یاساقلانیب.

آرتیراق کی، اورموداکی بو قدیم بازارین اراضی‌سینین عراق‌لی کورده ساتیلماسی گونئی آذربایجان‌دا بؤیوک اعتراضا سبب اولوب. بیر نئچه میللی فعال مسئله ایله باغلی اورمو بله‌دییه صدری ایله گؤروشه‌رک میللتین اعتراض سسینی چاتدیریبلار. اجتیماعیت و میللی فعاللار طرفین‌دن اولایلا باغلی فورمالاشان رایلر و گلن تنقیدلر ایسه خصوصاً مئدیادا ایشیقلاندیریلیر.

ان سون معلوماتا گؤره، اورمو بلدییه صدری بازارین قییوملارینین گؤروشونده عراق‌لی خاریجی سرمایه گذارین امام میدانی لاییحه‌سینی گئری چکدیینی سؤیله‌ییب. او، همچینین، بازار آداملارینی و سرمایدارلاری لاییحه‌نین باشا چاتماسین‌دا ایشتیراک ائتمه‌یه دعوت ائدیب.