آنا صحیفه رپورتاژ |
بلکه ده فوکییامانین دئدیی کیمی، تاریخین سونودور، یاخود نیتچهنین سؤیلدیی - دیرلرین نیهیلیزمی باش وئریر. هر ندیرسه، دونیایا ائله بیر فلاکت اوز وئریب کی، ایستر ایلهنجه مرکزلری، ایسترسه مقدس اوجاقلار باغلانیب.
اینسانلار اؤلکهلری سیاحت ائده بیلمیرلر، میلیونلاری، «بوئینگ»لری اولان اولیقارخلار ائولریندن چؤله چیخمیرلار، بؤیوک کونسرت سالونلاری قاپادیلیب، ایدمان یاریشلاری دایاندیریلیب، خریستیان و موسلمان عالمینده اینانجلی آداملارین آرزوسوندا اولدوغو زیارتگاهلار اونلارین اوزونه دایاندیریلیب، نه واتیکان کیلسهسینه، نه کبهیه گئتمک اولور. یئر اؤز اوخو اطرافیندا سانکی داها فیرلانمیر، حیات و تقویم بوز کیمی دونوب.
یازیچی-کونسپیرولوق همید هئریسچینین بو منظره ایله باغلی اؤز ملاحظهلری وار. اونون مپساوات. کوم-آ دئدیینه گؤره، بوتون بو پاندمییا بلاسی حاقدا زردوشت پیغمبرین «گونش» تقویمینده مکمل ایضاح وار.
«اصلینده بو تقویمه بیزده نووروز تقویمی دئییرلر. چوخ مکمل ایشلنیب. زردوشت پیغمبر بو تقویمده اؤنجهگؤرمه کیمی بو گون اوزلشدییمیز کوروناویروس بارهسینده ایضاح وئریر. همین تقویمه گؤره، بو ایلین توتمی فیلدیر. بو، او دئمکدیر کی، حادثهلرین آخاری ۳۲ ایل اوولکی ۱۹۸۸-جی ایلی خاطرلاداجاق. فیلین تام عکسی ایسه پانقولینادیر. هه، باخ بو یئرده بوتون کودلار آچیلیر. دئییلنه گؤره، چینین اوهان ایالتینده یاراسا پانقولینانی دیشلهییب و متاسییا باش وئریب، ویروس یاییلیب. یعنی نئچه مین ایل اؤنجه زردوشت پیغمبر کوروناویروس آنونس ائدیب. فیل ایسه تمیزدیر، گریپ اولمور، میکروب گؤتورمور»، - دئیه هریسچی ایضاح ائدیر.
اونون سؤزلرینه گؤره، بو آنونسون حقیقت اولدوغونو ایسرارلا سؤیلییر و زردوشت پیغمبر «آخیر زامان» حاقدا معلومات وئریر: «بیز خوشبخت اولمالیییق کی، قیامت گونونو گؤروروک. دین بو مسئلهیه ایضاح وئریر. بو دقیقه بوتون مقدس اوجاقلار، واتیکان کیلساسی، مکه، کعبه باغلانیب. دینی تفکرده دئیه بیلمزسهن کی، پاندئمییا اونلاری باغلاییب، الله اؤزو قاپادیب. عمومیتله، قرانی-کریمده آخیرت حاقدا احوالاتلار چوخدور و من آخیر زامان استئتیکاسی ایله راضییام. قران دئمیر کی، آخیرتده هر شی محو اولور. بودور قیامت - ایستحصالات، حرکت، حیات دایانیب. یعنی، بیزی ائوده ویروس، یوخسا الله اوتوردوب؟»
هریسچی امینلیکله ید ائدیر کی، پاندئمییادان سونرا اینسان دا دییشهجک، موتاسییا ائدجک: «آغ آداملار ایشلهمیردیلر، دونیانی گزیردیلر. آرتیق بونلار قورتاردی، توریست آنلاییشی کئچمیشده قالدی. حتی توریستلر باکیدا دا یئریمیزی دار ائلمیشدیلر. چونکی قیمت باها ایدی. تک بیزه عایید دئییل، پاریسلیلر پاریسی، وئنسییالیلار وئنئسییانی توریستین علیندن گؤرموردو. و ماراقلیدیر کی، کارانتیندن سونرا اوهانا فیللر گیردی. بو دا فیل ایلی اولماسینی تصدیق ائدیر. تکجه اوهانا فیللر دئییل، وئنسییایا بالیقلار، پاریسه اؤردکلر قاییدیب.
بس، مقدس نوتردام کیلساسینین یانماسی؟ او کی پاریسین قورویوجو ملکیدیر. اونون یانماسی گلجیین بدبختچیلیک آنونسو ایدی. حتی ایسپانییادا فمینیستلر دیکتاتور فرانکونون قبرینی آچدیلار. ایسپانییا مطبوعاتی یازیردی کی، ویروس فرانکودان کئچیب. بو جور میستیک ایضاحلار وئریلیر و بیز قیامته شاهیدلیک ائدیریک».
تاریخ
2020.04.17 / 19:09
|
مولف
آینورا مممدووا
|