اکولوگییا، یانلیش قیدالانما، حیات طرزی و ایرسیت رپرودوکتیو ساغلاملیغا تأثیر ائدیر. سیرر دئییل کی، قوهوم نیکاحلاریندان دوغولان اوشاقلاردا مختلیف گنتیک خسته‌لیکلرین راستلانما ریسکی یوکسکدیر - هموفیلییا، فنیلکتونورییا، تالاسمییا و س.

آخار. آذ خبر وئریر کی، مولکولیار-گنتیک معایینه بو ارثی خسته‌لیکلرین آرتماسینین قارشی‌سینی آلا بیلر.

دونیادا ساییلیب-سئچیلن مرکزلردن بیری اولان آفگن گنتیک دیاگنوز مرکزی ۲۰۱۱-جی ایلین آوگوست آییندان آذربایجاندا، باکی شهرین‌ده فعالیت گؤستریر. ۲۰۱۲-جی ایلده‌ن ایسه بو مرکز بیولوژی تبابت کلینیکاسین‌دا یئرلشه‌رک فعالیتینی داوام ائتدیریر.

آفگن گنتیک دیاگنوز مرکزینین رهبری آذربایجانلی پروفسور آفیق برده‌لی دونیادا گنتیکا علمینده تانینمیش عالیملردن بیریدیر. پروفسور آفیق برده‌لی بیر چوخ خسته‌لیکلرین گنینی کشف ائدیب و «برده‌لی گنی» آدی ایله پاتنتلشدیریب.

مرکزده ایکی بؤلمه فعالیت گؤستریر:

۱) مولکولیار-گنتیک آنالیزلر

۲) سیتوگنتیک آنالیزلر

مولکولیار گنتیکا بؤلمه‌سینده تک گن خسته‌لیکلرینه عایید موتاسییا و یا میکرودلسییا آشکارلانماسیندا بیر چوخ فرقلی مولکولیار اصوللار ایستیفاده اولونور. سیتوگنتیک بؤلمه‌ده ایسه خروموسوم آنالیزی کونورسیونال و باشقا اصوللارلا آپاریلیر. گنتیک دیاگنوز مرکزی اؤلکه‌میزده بو ایکی بؤلمه‌نی احاطه ائد‌ن یئگانه مرکزدیر.