حال حاضردا لیپوساکسییا بوتون دونیادا ان پوپولیار استئتیک عملیاتلاردان بیریدیر.

بو عملیات حتی او درجه‌ده عادیلشیب کی، اینسانلار اونا آرتیق جدی جراحی مداخیله کیمی دئییل، عادی بیر کسمئتیک مرحله سی کیمی باخیر. لاکین بو هئچ ده بئله دئییل. بوتون دیگر جراحی عملیاتلاردا اولدوغو کیمی لیپوساکسییانین دا عکس-گؤستریشلری، یاناشی تأثیرلری، آغیرلاشمالاری، ریسکلری وار. یاخین گونلرده لیلا آدلی جاوان خانیمین لیپوساکسییادان ۲ گون سونرا اؤلومو بونو تام شکیلده تصدیق ائدیب.

اینترنتده یاییلان شکیللردن حتی طببی ساوادی اولمایان اینسان آنلاییر کی، بو خانیما اصلینده لیپوساکسییا عملیاتینا هئچ احتیاجی دا اولماییب. ویجدانلی متخصص حکیم بئله مشترینی فیکیردن دؤندرملی، آپارات کوسمتولوگییاسینا و یا فیتنس زالینا گؤندرمه‌لی ایدی. لاکین...

لیپوساکسییا یوخاریدا قید ائتدییمیز کیمی عمومی نارکوز آلتیندا کئچیریلن جدی جراحی عملیاتدیر.

ساغلامولون. آذ خبر وئریر کی، لیپوساکسییانین بیر نئچه نؤعو وار - واکووم، اولتراسس و لازئر لیپوساکسییاسی. لاکین نؤعون‌دن آسیلی اولمایاراق بو جراحی مداخیله‌دیر و اونون دا معین ریسکلری وار.

عملیاتدان اول مشترینین ساغلاملیغی دقتله قیمتلندیریلمه‌لی، آنامنز ییغیلمالی، مشتری لازیم اولان معایینه و آنالیزلردن کئچمه‌لیدیر. بو اکثر آغیرلاشمالارین قارشیسینی آلماغا کؤمک ائدیر. تأسف کی، بعضا بو مرحله بوراخیلیر.

آرتریال هیپرتنزییا (یوکسک تضییق)، قان لاختالانماسی سیستمی خسته‌لیکلری، بؤیرک و قاراجیگر خسته‌لیکلری و بعضی دیگر پوزولمالار زامانی لیپوساکسییا عملیاتی کئچیریلمیر.

عملیاتدان اول پاسینتین نارکوزا ممکن اولان رئاکسییاسی دا نظره آلینمالیدیر.

پیین میقداری حدیندن آرتیق چوخدورسا، لیپوساکسییا تطبیق ائدیلمیر. بو زامان دیگر اصوللاردان ایستیفاده اولونور.
پیین میقداری آز اولاندا دا لیپوساکسییایا احتیاج یوخدور.

اگر حکیم سیزه بوتون آرتیق پیی بیردن چیخارتماغا سؤز وئریرسه، بو سیزده شوبهه یاراتمالیدیر. ۱ عملیات زامانی ۴-۵ ل پی چیخاریلا بیلر. بوندان آرتیق اولماز. بو آغیر نتیجه‌لره (آغیر قاناخما و س.) گتیریب چیخاردا بیلر.

لیپوساکسییانین ان جدی ریسکلری آراسین‌دا:

- نارکوزلا باغلی اولان ریسکلر،

- قان آخما،

- کسکین بؤیرک چاتیشمازلیغی،

- پی امبولییاسی (پی ایری دامارا دوشوب اونو باغلایا بیلر کی، نتیجه‌ده اینسان اؤله بیلر) و س.

بئله‌لیکله، لیپوساکسییا جدی و کیفایت قدر تهلوکه‌لی جراحی مداخیله‌دیر. بو عملیاتا مراجعت ائتدیکدن اول دیگر عملیاتسیز اصوللاری سینایین - پهریز، ایدمان، آپارات کوسمئتولوگییا و س. لاکین اگر لیپوساکسییا حاقیندا قطعی قرار وئرمیسینیزسه، بونو یالنیز و یالنیز تجروبه‌لی پلاستیک و استئتیک جراحا اعتبار ائدین.