اینسان چوخ شیلره قادیر اولسا دا، بو قادیرلیین، اورگانیزمین دؤزوملولویونون سون حدی، لیمیتی وار. بو حد یئتیشنده او اؤز حیاتی ایله ویداعلاشمالی اولور.

آخار. آز اؤلومه سبب اولان حاللاری تقدیم ائدیر:

۱. بدنین تمپراتورو (حرارتی)

عادته‌ن نورمال اینسانین تئمپئراتورو +۳۵.۸-له +۳۷.۳ درجه سلسی آراسین‌دا دییشیر. عمومیلیک‌ده ایسه اینسانین دؤزه بیله‌جک تمپراتور درجه‌سی -۲۰ درجه سلسی‌دن +۴۱ درجه‌یه قدردیر. بدنین حرارتی ۴۱ درجه‌دن یوخاری قالخاندا اورگانیزمده خیلی مایع ایتکیسی باش وئریر، اورگانلار زده‌له‌نمه‌یه باشلانیر. تمپراتور -۲۰ درجه‌دن آشاغی دوشدوکده ایسه قان دؤورانی دایانیر.

۲. اورگانیزمده قانین میقداری

۳ لیتر، یعنی اورقانیزمده اولان قانین عمومی میقدارینین ۴۰-۵۰ فایز ایتیریلمه‌سی سون حددیر. قان چاتیشمازلیغی اوریین ایشینی تام ضعیفله‌دیر. بئله کی، ۳ لیتر قان ایتیریلنده اورک لازیمی میقداردا اولان قانی اؤتوره بیلمیر، تضییق آشاغی دوشور، بیینین و بوتؤولوکده اورگانیزمین قان واسطه‌سی ایله اکسیژنله تعمین اولونماسی پروسسی دایینیر کی، بو دا اؤلومله نتیجه‌لنیر. یالنیز بیر دفعه رکورد حده، ۴ لیتر یاریم قان ایتیرمیش اینسانین حیاتی خلاص اولوب.

۳. سو چاتیشمازلیغی

اینسانین سوسوزلوغا دؤزومو ۷-۱۰ گوندور. اوزون مدت سو چاتیشمازلیغی اولاندا قان او قدر قاتیلاشیر کی، دامارلاردا دؤوران ائده بیلمیر. اورک قانین قاتی اولماسیندان اونو اؤتورمه‌یه گوجو چاتمیر. اینسان بدنینین اوچده ایکی‌سی سودان عبارت اولدوغونا گؤره اونون چاتیشمازلیغی بوتون اورقانیزمه منفی تأثیر گؤستریر و اوزون مدت‌تدن سونرا (ماکزیموم ۱۰ گون) بوتون بو فسادلار اؤلومله نتیجه‌لنیر.

۴. آجلیق

قیدا محصوللارینین قبول ائدیلمه‌مه‌سی بوتون اورگانیزمین فعالیتینه تأثیر گؤستریر. آج قالماق اوریین فعالیتینی ضعیفله‌دیر، خولسترینین سوییه‌سینی قاندا آرتیریر، قاراجگر و بؤیرکلرین یئنی‌دن برپاسی ممکون اولمایان خسته‌لیکلرینی یارادیر. اوزون مدت آج قالدیقدا اورگانیزمین ایمونیتی صیفیر وضعیتینه ائنیر، بدنین عمومی تونوسو آشاغی دوشور. محض ائله گونده‌لیک نورمال قیدالانما بدنین انرژی‌سینی تعمین ائتمک اوچوندور. ساغلام اینسان نورمال شرایط‌ده، ایسته‌نیله‌ن واخت سو ایجمک شرطیله ماکزیموم ۶۰ گون قیداسیز یاشایا بیلر. تاسف کی، دونیادا هر گون ۲۵ مین اینسان آجلیقدان اؤلور.

۵. سس گوجو

اینسان ماکزیموم ۱۹۰ دسیبل سس گوجونه تاب گتیره بیلیر. سسین سوییه‌سی ۱۶۰ دسیبله جاتاندا قولاق پرده‌لری جیریلیر. بئله گوجلو سسلر داها اینتنسیو، تز-تز قبول اولوناندا، او، بوتون اورگانیزمه منفی تأثیر گؤستریر و آغ جیگری ده زدلییر کی، بونون نتیجه‌سینده هاوا قانا دوشور. بو دا اؤز نؤوبه‌سینده قان دامارلارینین تیخانماسینا سبب اولور، شوک یارادیر، میوکارد اینفارکت باش وئریر، سوندا ایسه اؤلومله نتیجه‌لنیر. قولاقجیقلار واسطه‌سی ایله گوج‌لو سسله موسیقییه قولاق آسماغی سئوه‌نلر بونو نظره آلمالیدیرلار.

اؤزونوزو سون حدلردن، اؤلومه سبب اولان حاللاردان قورویون. دؤزوملولوک لیمیتینی کئچمیین کی، ساغلام و اوزون عمورلو اولاسینیز.