ایلک باخیش‌دا قریبه گؤرونسه‌لر ده، بو تاپشیریقلار سیزین حیاتینیزا بیر چوخ یئنی‌لیکلر گتیرجک، اؤزونوزو داها یاخشی تانیماغینیزا کؤمک ائد‌جک.

۱۹۳۶-جی ایلده آمئریکالی یازیچی دوروتی براند اؤزونون «اویان و یاشا» کیتابین‌دا بینین سرعتله ایشله‌مسی و زکانین ایتیلشمه‌سی اوچون بیر نئچه ماراقلی تاپشیریقلا چیخیش ائدیب.

آخار.آذ مودئراتور. آذ-آ ایستینادا خبر وئریر کی، بو تاپشیریقلار سیزه گونده‌لیک و مونوتون حیات طرزیندن اوزاقلاشماغا، دونیانین یئنیلیکلرله دولو اولدوغونو گؤسترمه‌یه خیدمت ائدیر. دوققوز بیر-بیریندن ماراقلی و قریبه تاپشیریقلاری یئرینه یئتیردیکدن سونرا یارادیجیلیق قابیلیتینیزین آرتدیغینی و فانتازییانیزین گئنیشلندیینی حس ائدجکسینیز.

۱. بیر ساعت هئچ نه دانیشمایین. یالنیز بیرباشا سواللارا جاواب وئرین، اما اطرافینیزداکی اینسانلارا هئچ نه حس ائتدیرمیین. اؤزونوزو همیشکی کیمی راحت و ساکیت آپارین، هئچ کیمه ایراد توتمایین، سیزدن علاوه اینفورماسییا قوپارماق ایستینلره فورصت وئرمیین.

۲. ۳۰ دقیقه عرضین‌ده یالنیز بیر موضوع باره‌ده دوشونمه‌یه چالیشین. چالیشین کی، فیکرینیز یایینماسین.

۳. ۱۵ دقیقه عرضین‌ده «من»، «منه» و «منیم» سؤزلریندن ایستیفاده ائتمیین.

۴. اینسانلارلا دولو ایسته‌نیلن بیر مکانین قارشیسیندا دایانین و دقتله بو مکانین اؤلچولرینی حسابلایین.

۵. اجازه وئرین، یئنی تانیش اولدوغونوز اینسان آنجاق اؤزو حاقدا دانیشسین. بونو اونا حس ائتدیرمیین. نزاکتلی داورانین و معین سواللار وئره‌رک، اونا تک اولمادیغینی خاتیرلادین.

۶. بیر گون یالنیز اؤزونوز حاقدا دانیشماغا جهد ائدین. اؤزونوزو تعریفلمیین، شیکایتلنمیین و ان اساسی، هم صحبتینیزی داریخماغا قویمایین.

۷. اؤزونوزه گونده‌لیک و ایکی ساعتلیق پلان قورون. بو سرت گرافیکه عمل ائتمه‌یه چالیشین.

۸. اؤزونوزه ۱۲ تصادفی تاپشیریق وئرین. مثلاً، هئچ بیر نقلیات واسطه‌سیندن ایستیفاده ائتمه‌دن ائودن ۲۰ کیلومتر اوزاقلاشین. و یا ۱۲ ساعت یئمکسیز قالماغا چالیشین. بوتون گونو بیر کلیمه بئله دئمه‌دن کئچیرین، یالنیز سواللارا جاواب وئرین. یا دا بوتون گئجه یاتمایین و ایشلیین.

۹. بوتون گون عرضین‌ده وئریله‌ن بوتون سواللارا «هه» جاوابی وئرین.