قبیضلیک‌دن اذیت چکن خسته‌لر مختلیف باغیرساق ایشلدیجی درمانلاردان ایستیفاده ائدیرلر. بو ایشلدیجی درمانلار داها سونرا آلیشقانلیغا چئوریلیر و باغیرساق فعالیتی زامانلا پوزولماغا باشلاییر.

بو سؤزلری آخار. آذ-آ قبیضلیین یارانما سببلریندن و معالیجه‌سیندن دانیشان بیولوژی طبابت کلینیکاسینین حکیمی، قاسترونترولوگ آرزو قولیئوا دئییب. او بیلدیریب کی، بعضا حکیملر ده درمانلارین ایچینده بو ایشلدیجیلره مراجعت ائدیرلر:

«بو، خسته‌نی یالنیز معالیجه مدتینده یاخشی ائدیر. معالیجه بیتدیکدن سونرا ایسه خسته‌ده یئنی‌دن قبیضلیک یارانیر. بیولوژی طبابت‌ده هئچ واخت ایشلدیجی درمانلادان ایستیفاده ائتمیریک، حتی خسته ایستیفاده ائدرسه، بونا اجازه وئرمیریک. قبیضلیین سببی آیدینلاشدیقدان سونرا معالیجه ائتمک چوخ راحتدیر. قبیزلییه داها چوخ هورمونال پوزونتولار زامانی تصادف اولور. اونا گؤره بعضی هورمونلاری یوخلاماق اوچون اندوکرینولوگدان دا مصلحت آلماق و اونونلا کونتاکدا اولماق لازیم گلیر. بعضا ایسه بو پروبلملر حیات طرزی ایله علاقدار اولاراق یارانیر. باغیرساق فعالیتی آشاغی اولاندا خسته‌لر گونلرله، حتی هفته‌لرله بؤیوک باییرا گئده بیلمیرلر».

آرزو قولیئوا قبیضلیکدن هله کیچیک یاشلاردان اذیت چکن خسته‌لرین ایسه باغیرساقلارینین قورولوشوندا و فونکسییاسیندا پروبلم اولدوغونو بیلدیریب:

«اگر خسته کیچیک یاشلاردان بو پروبلمله اوز-اوز‌دیرسه، دئمک، اونون باغیرساقلارینین قورولوشوندا و فونکسییاسیندا پروبلم وار. بو زامان بیز باغیرساقلاری معایینه ائدیریک و قورولوشوندا نه پروبلم وارسا، آشکارا چیخارماغا چالیشیریق. بو، باغیرساقلارین اوزانماسی، ائنله‌نمه‌سی و ساللانماسی اولا بیلر. باغیرساغین فونکسییاسی ییغیلیب-آچیلاراق ایچین‌ده‌کیلری اؤتورمکدیر. اگر بو جور پروبلملر وارسا، واختلی-واختیندا دفکاسییا اولمایاجاق. داها چوخ اوتوراق حیات سورن، واختیندا قیدالانمایان اینسانلار قبیضلیکدن اذیت چکیرلر. بئله حاللاردا خسته مطلق آکتیو حیات طرزینه کئچمه‌لیدیر. خسته‌نین نه ایله قیدالانماسی دا خصوصی اؤنم کسب ائدیر. هر سحر یئمک یئمک چوخ واجیبدیر. کارتوف، دویو، چؤرک کیمی قیدالار باغیرساغین ایشینی لنگیدیر. تره وزلر، میوه‌لر ایسه باغیرساق فعالیتینی گوجلندیریر. قبیضلیین نؤعلری چوخدور، بیز بونو آنالیز و دیگر طیببی معایینه‌لر یولو ایله معین ائدیریک. خسته معایینه اولوندوقدان سونرا خسته‌لییه اویغون معالیجه‌لر آپاریلیر».

قید ائدک کی، بیولوژی طبابت کلینیکاسیندا پئشکار حکیملر طرفیندن قبیضلیکدن اذیت چکن شخصلرین معایینه‌سی و اوغورلو معالیجه‌سی حیاتا کئچیریلیر. بورادا معالیجه بیولوژی درمانلار واسطه‌سی ایله آپاریلیر و خسته‌یه هئچ بیر جراحی مداخیله ائدیلمیر.

اونوان: باکی؛ نسیمی رایونو، سید جعفر پیشوری-۱۱۰

تلفن: (+۹۹۴ ۱۲) ۴۳۰-۸۹-۸۹، (+۹۹۴ ۵۰) ۴۳۰-۸۹-۸۹، (+۹۹۴ ۵۵) ۴۳۰-۸۹-۸۹، (+۹۹۴ ۷۰) ۴۳۰-۸۹-۸۹