تورکییه‌نین آنتالیا شهرینده یاشایان ۱۵ یاشلی یئنی‌یئتمه کامپیوتر اویونلارینین قوربانینا چئوریلیب. او، بیلگی سایار قارشیسیندا اوزون مدت اویون اوینادیغی و حرکتسیز قالدیغی اوچون آیاقلاریندا آغریلار و شیشکینلیک یارانیب. حددن آرتیق کومپوتر اویونلاری آلوده‌لیگی اولان گنج ایندی ده گزه بیلمه دیی اوچون یاتاق خسته‌سینه چئوریلیب. حکیملر اونون اوزون مدت معالیجه آلمالی اولدوغونو بیلدیریبلر.

بو حادثه بیزی کومپوتر قارشی‌سیندا ایشله‌ین و یا حددن آرتیق واخت کئچیرن شخص لرین، خصوصیله ده یئنی‌یئتمه‌لرین صحتینده باش وئره بیله‌جک بیر سیرا پروبلم لری آراشدیرماغا وادار ائتدی.

مسئله ایله باغلی آخار. آذ-آ دانیشان بیولوژی طبابت کلینیکاسینین تراپوت-اوستوپات حکیمی اولوییه سولیمانووا بیلدیردی کی، اوزون مدت حرکتسیز فورمادا کومپوتر و تلفون قارشیسیندا واخت کئچیرمک اینسان ساغلاملیغی اوچون اولدوقجا تهلوکه‌لیدیر - خصوصیله ده یئنی‌یئتمه‌لر اوچون:

«بیزه مراجعت ائد‌ن خسته‌لر ان چوخ اونورغا سوتونو آغریلاریندان شیکایت ائدیر. اورتا مکتب شاگیردلرینده داها چوخ موشاهیده اولونان پروبلم قامت پوزغونلوغو-سکالوز و کیفوزدور.

آیاقلاردا دا اونورغا پروبلم لریندن قایناقلانان آغریلار باش وئره بیلر. کومپوتئر قارشیسیندا چوخ واخت کئچیرمک فقره‌لرده ییرتیقلار یارادیر. فقره‌لر ده سینیرلری سیخدیقدا هم قوللاردا، هم ده آیاقلاردا آغریلار یارادا بیلیر. بوندان باشقا حرکتسیز قالماق آیاقلاردا شیشکینلییه، دامار تیخانماسینا گتیریب چیخاریر».

تراپئوتین سؤزلرینه گؤره، داواملی اولاراق باشیاشاغی وضعیتده تلفونلا اویناماق بویوندا آغریلارا سبب اولور:

«سون زامانلار ائرکن یاشلاردا بویون و اونورغا آغریلاریندان شیکایت ائد‌ن خسته‌لرین ساییندا آرتیم موشاهیده اولونور. عادتا یوخاری صینیف شاگیردلری فقره ییرتیقلاری شیکایتی ایله بیزه مراجعت ائدیر.

بوندان علاوه تلفون و کومپوتئر کیمی جیهازلارداکی شوالانما دا گؤزده پروبلم لر یارادیر. بونون نتیجه‌سینده گؤزده ضعیف گؤرمه، قاشینما، بولانما، آللئرگییا کیمی خسته‌لیکلر عمله گلیر. داها چوخ اوشاقلاردا تئز یورولما، باش آغریلاری، یادداش ضعیفلیگی موشاهیده اولونور».