بئل آغریسی ان یاییلمیش شیکایتلردن بیریدیر. بئل آغریسینین سببلری چوخدور و موختلیفدیر.

بعضا بئله آغری هئچ بیر جدی پوزولمایا ایشاره ائتمیر، بعضا ایسه چوخ آغیر خسته‌لیکلرین ایلک سیمپتومو کیمی میدانا چیخیر.

نه زامان بئل آغریسینا فیکیر وئرمک و حکیمه مراجعت ائتمک لازیمدیر؟

آخار. آذ ساغلامولون. آذ-آ ایستینادا خبر وئریر کی، بونو آیدینلاشدیرماق اوچون آمریکا دؤولت سوموک-عضله اینستیتوتونون متخصصلری پاسینتلر اوچون خصوصی چک-ورقه حاضرلاییبلار. بو سندده حکیمه مراجعت ائتمک اوچون جدی سبب یارادان بئل آغریلارینین سیمپتوملاری سادالانیب.

۱. بئل آغریسی ساکیت وضعیتده آزالمیر و اینسان آغریدان گئجه اویانیر.

۲. ۴-۶ هفته عرضینده تکرارلانان اینیتیپلی بئل آغریسی، خصوصیله ده بو زامان اینساندا چکی آزالماسی مشاهیده اولونورسا.

۳. قول و یا آیاقلاردا کئییمه، آرابیر سانجما، ضعیف‌لیک و باشگیجلله‌نمه‌سی ایله موشاییت اولونان ایسته‌نیلن نؤع بئل آغریلاری.

۴. حرارتین یوکسلمه‌سی ایله مشایعت اولونان بئل آغریسی.

۵. عادی، آپتکلرده رسپتسیز ساتیلان آغریکسیجیلرین کمکی ایله کسیلمه‌ین گوجلو بئل آغریسی.

۶. قارین آغریسی ایله مشایعت اولونان بئل آغریسی.

۷. سیدیک ایفرازی زامانی پروبلملرله مشایعت اولونان ساغ و یا سولطرفلی بئل آغریسی.

بوتون سادالادیغیمیز حاللاردا اینسان مطلق حکیمه مراجعت ائتملی و لازیم اولان معایینه‌لردن کئچمه‌لیدیر.

همچینین ۲۰ یاشا قدر اولان اینسانلاردا بئل آغریسی دا حکیمه مراجعت ائتمک اوچون سبب ساییلیر.