چوخلاری سحر یئمیینی واجیب حساب ائتمه‌یه‌رک، اونا بیر قدر اعتیناسیزلیقلا یاناشیر.

دیگرلری کؤکلمکدن، چکی آرتیرماقدان قورخدوقلارینا گؤره اوندان ایمتینا ائدیرلر. بعضیلری ایسه ساده‌جه واختین آز اولماسی، سحرلر ایشتاهانین اولماماسی کیمی خئیلی «عذرلو سبب» گتیریرلر کی، اؤزلرینی گونون باشلانغیجیندا تام دیرلی قیدادان محروم ائتسینلر. حکیملر و دیتولوقلار اورتاق بیر فیکیرله قناعته گلیبلر کی، سحر یئمییندن هئچ بیر حالدا ایمتینا ائتمک اولماز، چونکی سحر یئمیی اورگانیزمه چوخ خئییرلیدیر.

آخار. آذ مدرن. آذ-آ ایستینادا سحر یئمیینین فایدالارینی تقدیم ائدیر.

قید ائتمک لازیمدیر کی، سحرلر یئمک یئین اینسانلار «آج قارداشلاریندان» داها آز ریسکلره معروض قالیر. بوندان علاوه، سحر یئمیی بئیینه دقتی توپلاماق و معلوماتی یاددا ساخلاماغا گؤره بئیین اوچون چوخ واجیبدیر. عبث یئره دئییل کی، اؤزلرینی سحر یئمییندن محروم ائتمه‌یه‌ن اینسانلار آوتومبیل قزالارینا داها آز اوغراییرلار. تدقیقاتلار گؤستریر کی، یاخشی سحر یئمیی ایش قابیلیتینی تخمیناً ۳۰ فایز آرتیریر و بو سببدن ده سیزی اوفیس‌ده آغیر گون گؤزلییرسه، سحر اورقانیزمینیزی ائنئرژی احتیاطی ایله تعمین ائتمیی اونوتمایین.

کؤکلمکدن قورخان اینسانلار ایسه بیلملیدیرلر کی، سحر یئمییندن ایمتینا ائتمک نینکی بده‌ن قورولوشونا خییرلی دئییل، هم ده بدنده آرتیق چکینین ییغیلماسینا کؤمک ائدیر. ایش اوندادیر کی، سیز یاتدیغینیز مدتده مادده‌لر موبادیله‌نیز ده یاتیر و سحر یئمیینی یئمیندک اویانمیر. بو سببدن ده اگر سیز سحر یئمییندن ایمتینا ائدیرسینیزسه، اورقانیزمینیز ناهارادک داها آز کالوری یاندیریر. بوندان علاوه سحر یئمیی پورسییاسیندان محروم اولموش اورقانیزم اؤزونو قوروما اینستینکتینی ایشه سالیر و ناهار زامانی کالوریلری ایکیقات انرژی ایله توپلاییر. اوسته‌لیک، ناهاردا یاخشیجا آجمیسینیزسا، لازیم اولان میقداردان ایکی دفعه آرتیغینی یئمک تهلوکه‌سینه معروض قالیرسینیز.

لاکین هئچ ده هامی یوخودان اویانان کیمی ایشتاهاسی قایداسیندا اولمور. متخصصلر حساب ائدیرلر کی، مسئله گئج یئییلن و کالوریلی آخشام یئمیینده‌دیر. یاتمازدان اول سیز سویودوجونو «آلت-اوست» ائدیرسینیزسه، طبیعیدیر کی، سحر هئچ نه یئمک ایستمیجکسینیز.

سحر یئمیینه اؤزونوزو اؤیرشدیرمیین داها بیر اصولو وار. بو، سحر ایدمانیدیر. البته، ایدمانلا مشغول اولماق واخت طلب ائدیر، لاکین بونون اوزینده ایشتاهانی آرتیریر، بدن قورولوشو و ساغلاملیق اوچون چوخ خییرلی‌دیر. سحرلر هئچ جور ایدمانا واخت آییرا بیلمه‌یه‌نلر اوچون دیتولوقلار سحر یئمیینی اؤزلری ایله ایشه گؤتورمکلرینی مصلحت گؤرورلر. ایشه چاتانا قدر سیز تام اویاناجاقسینیز و قیدا قبولونا حاضر اولاجاقسینیز. سحر یئمیینی یئدیکدن سونرا ایسه ناهارادک قلیانالتی ائتمه‌دن دؤزه بیلجکسینیز.

سحر یئمیینده هانسی قیدالارا داها چوخ اوستونلوک وئرمک مقصده اویغوندور؟

سحری مایع ایله آچماق، بیر ایستکان عادی قازسیز سو ایچمک، داها یاخشیسی ایسه بیر ایستکان ایلیق سویا یاریم لیمونون شیره‌سینی سیخیب ایچمک اولدوقجا خییرلیدیر. بو، اورقانیزمه یوخودان اویانماغا و هزم پروسسینه باشلاماغا کؤمک ائد‌جک.

دیتولوقلار سیییغی ان یاخشی سحر یئمیی حساب ائدیرلر. دن‌لی بیتکیلر فایدالی کاربوهیدراتلاردان و ب قروپو ویتامینلردن (سینیر سیستمینین ایشینی یاخشیلاشدیریر) و ائ ویتامینیندن (قوجالما پروسسلرینی لنگیدیر) عبارتدیر. بوندان علاوه ایسته‌نیلن سیییق سئلولوزون منبعیدیر و اورگانیزمدن شلاکلاری چیخاریر و گون عرضینده یییلن محصوللارین پیلرینی هزم ائتمه‌یه کؤمک ائدیر.

سود محصوللارینا اعتیناسیزلیق گؤسترمیین. گونون اولینده اورگانیزمینیزین قبول ائتدیی بیر ایستکان سود و یا قاتیق، ۲۰۰ گرام کسمیک اونو آ و ب قروپ ویتامینلریله تعمین ائد‌جک.

سحرلر چوخ یئمک توصیه اولونمور. چونکی دویوملو یئمک گومراهلیق عوضینه یوخو و سوستلویه سبب اولاجاق.

و هر سحر مشهور «سحر یئمیینی اؤزون یه، گونورتا دوستونا، آخشام ایسه دوشمه‌نینه وئر» آتالار سؤزونو خاتیرلاییب چالیشین کی، سحر یئمیی یئمه‌دن ائودن چیخمایاسینیز.