کئیفیتلی اینک سودوندن حاضیرلانمیش کره یاغی اینسان اورقانیزمی اوچون چوخ فایدالیدیر. ترکیبینده‌کی ویتامینلر (آ،ائ،د،ب قروپ) ساچین، دیشلرین، سوموک سیستمینین، درینین اینکیشافیندا خصوصی رول اویناییر.

آخار. آذ خبر وئریر کی، بو سؤزلری کره یاغینین اینسان اورگانیزمینه فایدالاریندان و عکس تأثیریندن دانیشان حکیم واقیف قارایئو قید ائدیب. او بیلدیریب کی، کره یاغی بئیین حجیره‌لرینه و معده-باغیرساق سیستمینه مثبت تأثیر ائدیر:

«کره یاغی قادینلاردا رپرودوکتیو فونکسییانی نورماللاشدیرماقلا یاناشی، اوشاقلاردا جینسی هورمونلارین یئتیشمه‌سینده فایدالی حساب اولونور. اما کلسترینی آرتیردیغینا گؤره اورک و بئیین دامارلارینا منفی تأثیری حاقیندا مباحثه‌لر بو گون ده سنگیمیر. ساده‌جه، بو تاثیرلردن قورونماق اوچون کره یاغیندان راسیونال ایستیفاده ائتمک لازیمدیر. گونده ۱۵-۳۰ گرام ایستیفاده ائتمک لازیمدیر. بوتون گونو کره یاغین‌دا حاضیرلانمیش قیزاردیلمیش و چتین هزم اولونان یئمکلردن ایستیفاده ائتمک ضررلی‌دیر. ساتیشدا موختلیف قیمتلره ساتیلان کره یاغلاری وار. اوجوز قیمته اولان کره یاغلاری بیرمعنالی کیفیت‌سیزدیر. ترکیبینده اورقانیزمه زیان وئرن موختلیف قاتقیلار وار. اونلاردان ایستیفاده ائتمسک یاخشیدیر. کره یاغیندان ایستیفاده ائدین، اما آشیری میقداردا یوخ».