هیپرپروتئکسییا - اوشاقلارا آشیری قایغی و دقت دئمکدیر. بیزده هیجان‌لی، اینتروورت آنالار اوشاغینی هامیدان، حتی دوغما آتاسیندان دا جد-جهدله قورویور. اونلار ائله تصوور ائدیرلر کی، گویا اوشاغا چوخ دقت گؤستریرلر.

آخار. آذ خبر وئریر کی، بو سؤزلری مشهور پئدیاتر (اوشاق حکیمی) واقیف قارایئو قید ائدیب. او بیلدیریب کی، اوشاقلاری معین یاشا قدر قوروماق لازیمدیر:

«آنالار اؤولادلارینی اونلار مختلیف تهلوکه‌لری آنلاییب درک ائد‌نه قدر قورومالیدیرلار. اما بو «قوروما»، دقت، قایغی نورمانی آشمامالیدیر. اوشاغین موستقیل دوشونمه قابیلیتینی الیندن آلماق اولماز. بوتون گونو اوشاغی اطراف عالمدن، هم یاشیدلاریندان تجرید ائتمک اولماز. همین اوشاقلار یا قاپالی بؤیویه‌جک، یا دا اگویست اولاجاق. «سن هئچ کیمله اوینامامالیسان»، «سن آنجاق کیتاب اوخومالیسان، شعیر اؤیره‌نمه‌لیسن، رویالدا ایفا ائلملی‌سن»، «سن موطلق حکیم (پروکورور، وئرگی موفتتیشی، گؤمروک ایشچی‌سی) اولمالی‌سان»، «سن آنجاق بو اونیوئرسیتئته داخیل اولمالی‌سان» و دیگر بو کیمی سؤزلر دئییلرسه، اوشاق شخصیت کیمی فورمالاشمیر. همین اوشاقلار دایم آنانین کومان‌دالارینی یئرینه یئتیرمه‌یه محکوم اولور».

پئدیاتر واقیف قارایئو بیلدیریب کی، بئله اوشاقلار معین یاشا چاتدیق‌دان سونرا «سن آنجاق فیلان کسله عائله قورمالی‌سان» امری ایله قارشیلاشیرلار. بو دا معین پروبلئملره یول آچیر.