یاغی یوکسک تئمپئراتوردا بیشیرمک ساغلاملیغیمیز اوچون ضررلی‌دیر. چونکی یاغلار یوکسک تئمپئراتورا معروض قالدیق‌دا ترانس یاغا چئوریلیر.

آخار. آ خبر وئریر کی، ارزاق تکنولوگییاسی متخصصی سیبئل بؤلئک اورک خسته‌لیکلرینه سبب اولان ترانس یاغلارین عینی زامان‌دا موختلیف جدی پروبلملره ده یول آچا بیلجیینی سؤیله‌ییب.

ترانس یاغلارین خرچنگه سبب اولدوغونو، دوغوشون واختین‌دان اول گئرچکلشمه‌سینی، آنا سودونون کئیفیتینی دییشدیینی، ایممونیتئتی ضعیفلتدیینی، آلزایمئر ریسکینی آرتیردیغینی دئیه‌ن بؤلئک همچینین ترانس یاغلارین بئل و قارین اطرافین‌دا یاغلانمایا دا سبب اولدوغونو بیلدیریب:

«آلیجیلار ترکیبین‌ده ترانس یاغلار اولان محصوللاردان ایستیفاده ائتمیر، آنجاق اونودور کی، یاغلاری یوکسک تئمپئراتوردا بیشیرمک ضررلی‌دیر. بو مسئله‌ده چوخلاری لازیمی حساس‌لیغی گؤسترمیر. خصوصیله سوغانی اوزون مدت یوکسک تئمپئراتوردا قووورماق اهمیت‌لی درجه‌ده ترانس یاغ یارادیر. بو وضعیتین قارشی‌سینی آلماق اوچون سوغانی اوزون مدت یاغ‌دا قووورمایین. سوغانی یومشالتماق اوچون قووورارکه‌ن تاوایا سو تؤکه بیلرسینیز».

اکسپئرت قید ائدیب کی، کارتوف قیزارتماسی یوکسک تمپئراتوردا حاضیرلاندیغی اوچون ترانس یاغلار باخیم‌دان زنگین‌دیر. بو، فاکت آراشدیرمالاردا دا ثبوت اولونوب:

«بوتون یاغلار یوکسک تئمپراتورا معروض قالدیق‌دا بیر چوخ اورک خسته‌لیکلرینه یول آچان ترانس یاغلارا چئوریلیر. قوورولموش قوز فیندیق کیمی چرزلرده ده ترانس یاغلار وار. اونلار یوکسک تئمپئراتوردا قیزاردیلدیق‌دا ترکیبین‌ده‌کی فایدالی یاغلار ترانس یاغلارا چئوریلیر. اودور کی، مومکون قدر قیزاردیلمیش اوزینه چی چرزلره اوستونلوک وئرین».