گونئی آذربایجانین شرقی آذربایجان ایالتین‌ده کوروناویروس اینفئک‌سییاسینا یولوخانلارین سایی ۲۴ مین نفره چاتیب.

آخار. آذ خبر وئریر کی، بو باره‌ده، شرقی آذربایجانین صحییه خیدمتینین رهبری و تبریز طب اونیورسیتتینین رکتورو محمد حسین سومی معلومات یاییب.

او، بو رقمین آرتماق‌دا اولدوغونو دا وورغولاییب.

سومی، همچینین، کووید-۱۹ ویروسونون قوربانلارینین ۹۸۰ نفره چاتدیغینی دئییب.

اونون سؤزلرینه گؤره، حاضردا کوروناویروسا یولوخان ۸۰۰ نفر شرقی آذربایجان خسته‌خانالارین‌دا معالیجه آلیر.

گونئی آذربایجانین اردبیل ایالتین‌ده ده سون ۲۴ ساعت‌دا ۶۰ یئنی کوروناویروسا یولوخما فاکتی آشکار ائدیلیب، ۵ نفر اؤلوب. حاضردا ایالت‌ده ۴۳۳ نفر خسته‌خانالاردا موالیجه آلیر. اونلاردان ۵۷ نفرینین وضعیتی آغیردیر و رئانیماسییا شعبه‌سینه یئرلشدیریلیب.

گونئی آذربایجانین غربی آذربایجان ایالتین‌ده ایسه دونه‌ن وئریله‌ن معلوماتا گؤره، ۶۰۹ نفر کوروناویروس شوبهه‌سی ایله خسته‌خانالاردا معالیجه آلیر.

غربی آذربایجانین صحییه خیدمتینین رهبری و اورمییا طب اونیورسیتتینین رکتورو جواد آغازادنین آچیقلاماسینا اساساً، خسته‌خانادا معالیجه آلانلاردان ۲۹۸ نفرینین کووید-۱۹ تستی پوزیتیو چیخیب. بونونلا دا غربی آذربایجان‌دا کوروناویروس قوربانلارینین عمومی سایینین ۷۰۶ نفره چاتیب.

زنجان ایالتین‌ده ده سون ۲۴ ساعت‌دا داها ۳۶ نفرده کوروناویروس اینفئک‌سییاسی آشکارلانیب، ۸ نفر اؤلوب. ایالت‌ده بو گونه کیمی ۷ مین ۹۳۵ نفر کوروناویروس شوبهه‌سی ایله خسته‌خانالاردا معالیجه آلیب. بئله‌جه ده ایالت‌ده کوروناویروس‌دان اؤلنلرین عمومی سایی ۲۹۱ نفره چاتیب.

همدان ایالتین‌ده کووید-۱۹ اینفئکسییاسینا یولوخانلارین عمومی سایی ۲ مین ۸۸۴ نفره چاتیب. گونئی آذربایجانین بو ایالتین‌ده کوروناویروس قوربانلارینین عمومی سایی ۳۴۰ نفر تشکیل ائدیب.