معده خسته‌لیکلرینین و قان‌دا شکرین قفیل یوکسلمه‌سینین قارشی‌سینی آلماق اوچون همیشه اولدوغو کیمی یئنی ایل گونو ده آز میقداردا، تئز-تئز یئمک لازیم‌دیر.

Axar.az خبر وئریر کی، بونو تورکییه‌لی حکیم توبا اوستاوغلو دئییب.

«سئودیکلریمیزله بیرگه خوش گئجه کئچیرمک اوچون هر بیریمیز دقتله حاضیرلاشیریق. بونا گؤره ده گون عرضین‌ده چوخ آز قیدالانیر و اؤزوموزو گئجه‌یه ساخلاییریق. اوزون مدتلیک آج قالاندان سونرا چوخ یئمک ایسه ائدیله‌ن ان بؤیوک یانلیشلاردان بیریدیر»، - او بیلدیریب.

ت. اوستاوغلو دئییب کی، یئمک سئچرکه‌ن اینسانلار دقتلی اولمالیدیر:

«اولا ات، تویوق، بالیق ترکیبلی یئمکلرین یاغ میقداری و بیشیرمه اصولونا دقت ائتمک لازیم‌دیر. بونلارین یانین‌دا زیتونیاغلی تروز یئمکلری حاضرلانا بیلر. آیریجا سوفره‌میزده مایونزی بول اولان یئمکلردنسه موسوم تروزلری ایله آز یاغلی سالاتلار حاضرلانا بیلر. قیزارتما اصولو ایله حاضرلانان قلیان آلتیلارا گلینجه، اونلاری قاتیق، پئندیر، نخود علاوه ائدیلمیش سالات و قلیان آلتیلارلا اوزله‌مک اولار. قان شکری بالانسی اوچون ماکارون یئرینه دویو و بولغور پلووو توصیه ائدیلیر. یئمکلرین سایی چوخ اولسا بئله، یاغ و دوز ترکیبینه، یئییله‌ن میقدارینا دقت ائد‌رک بو یئمکلری ایستهلاک ائتمک داها مقصده اویغون‌دور».

حکیم قید ائدیب کی، یئمک آراسین‌دا گازلی ایچکیلر اوزینه آیران و ائوده حاضرلانان آز شکرلی میوه سولاری ایچمک اولار:

«آج قارینا ایسپیرتلی ایچکی ایستیفاده‌سی ده توصیه ائدیلمیر. چونکی بو مده‌یه زیان‌دیر.

آتیشدیرما اولاراق ایستئهلاک ائدیله‌ن چیپس کیمی محصوللار یوکسک یاغ ائهتیوا ائتدیی اوچون دوزسوز قوز-فیندیق، قورو میوه، شابالید کیمی قیدالارا، شیرنیات ایستهلاکین‌دا ایسه سودلو و میوه‌لی دسرتلره اوستونلوک وئریلمه‌لیدیر».