اورال هاوا یوللاری شیرکتینین ژوکووسک-خوجاند ریسین‌ده اولدوقجا ماراقلی حادثه باش وئریب.

Axar.az خبر وئریر کی، بو باره‌ده شیرکتین تلگرام کانالین‌دا قید ائدیلیب.

طیاره هاوایا قالخان‌دان سونرا حامیله قادینین دوغوش سانجیلاری باشلاییب. اکیپاژ بو باره‌ده خبر توتان کیمی سرنیشینلر ایچریسین‌ده حکیم اولوب-اولماماسی ایله باغلی مراجعت ائدیب.

اصل معجزه ده بو مراجعتله اورتایا چیخیب: معلوم اولوب کی، سرنیشینلر ایچریسین‌ده نئوناتولوق، ایکی ماماچا، حتی ایکی نفر ده رنتگنولوق وار.

بئله‌لیکله، اوچان «طب پرسونالی» درحال سفربر اولوب و دوغوش عملیاتی باشلاییب.

طیاره کاپیتانی تکلیف ائتسه ده، حکیملر تعجیلی ائنیشه هئچ بیر احتیاج اولمادیغینی، دوغوشو حیاتا کئچیرمک اوچون هر جور شرایط اولدوغونو بیلدیریبلر.

بیر مدتدن سونرا ایسه ساپ-ساغلام قیز اوشاغی دونیایا گلیب.