آریزونا اونیورسیتتینین عالیملری معین ائدیبلر کی، احوالی پیس اولان اینسانلار حکایه‌لری دینلیرکه‌ن سهولری داها تئز فرق ائده بیلیرلر.

Axar.az خبر وئریر کی، تدقیقاتا جلب اولونانلارین هامی‌سی قادینلار اولوب.

عالیملر تدقیقات اشتراکچیلارینا "صوفینین سئچیمی" آدلی فیلمیندن کدرلی صحنه‌لر و "دوستلار" کومدییاسیندان بیر حیصه گؤسترمکله اونلارین احوال-روحییه‌سینی مانیپولیاسییا ائدیبلر. کمدی ژانریندا چکیلن فیلم اشتراکچیلارین احوال-روحییه‌سینه تأثیر گؤسترمه‌سه ده، دیگر فیلمین صحنه‌لری اشتراکچیلاردا داها منفی احوال-روحییه یارادا بیلیب.

اشتراک‌چیلار داها سونرا بیر سیرا اموسیونال نیترال سس یازیلارینی دینله‌ییبلر. هر بیری دؤرد جمله‌دن عبارت ایدی متنلرین یالنیز بیرینده خطا اولوب. مثلاً، گئجه ماشین سورمک حاقین‌دا حکایه‌ده و یا اولدوزلارا باخماقلا باغلی متن‌ده «ایشیقلار یاندیقدا، داها آز گؤره‌جکسن» جمله‌سی یئر آلیب. بیرینجی حال‌دا بو ایفاده سهو، ایکینجیده - دوزگوندور.

عالیملر معین ائدیبلر کی، اشتراکچیلار پیس احوال-روحییه‌ده اولان‌دا سهولری آشکار ائتمکده داها افکتیو اولورلار. بیین دالغالارینین فعالیتینین تحلیلی اینسانلارین بو زامان داها دقتلی اولدوغونو تصدیقله‌ییب.