حامیله‌لیک‌ده ریسک گروپلارینین تعیینی چوخ واجیب عامللردن بیری‌دیر. بو ریسک گروپلار حکیم ماما-گینئکولوق طرفین‌دن تعیین اولونور و بوتون دونیادا قبول اولونان پئریناتال کونسپسییا چرچیوه‌سین‌ده آپاریلیر. ریسک گروپلارینین تعیینی حامیله قادینلاردا فسادلاشمالارین اؤنجه‌دن پروقنوزلاشماسینا و بو آغیرلاشمالارین مینیموما ائندیریلمه‌سینه کؤمک ائدیر. نتیجه‌ده واختین‌دان اول دوغوشلارین سایینی، آنادانگلمه قصورلارین فایزینی و اؤلودوغولانلارین سایینی آزالدیر.

Axar.az خبر وئریر کی، بو سؤزلری صحییه ناظیرلیینین متخصص-اکسپرتی، ماما-گینئکولوگ نیگار آخوندووا دئییب.

گینئکولوگ قید ائدیب کی، ریسک گروپلارینین اساس پروبلئملردن بیری قادینین یاشی ایله باغلی‌دیر:

«بیلدیینیز کیمی، ۱۸ یاش‌دان آشاغی و ۳۸ یاش‌دان یوخاری اولان حامیله خانیملارا جدی نظارت اولمالی‌دیر. چونکی اونلاردا تئز-تئز معین آغیرلاشمالار - هیپئرتئنزییا (پرئئکلامپ‌سییا، ائکلامپ‌سییا، گئستاسیون دیابئت، دؤلون اینکیشاف لنگیمه‌سی، پسیخولوژی پروبلئملر) قئید اولونا بیلر.

قادین‌دا نئچنجی هامیللیین اولماسی دا واجیب حساب اولونور. چوخسای‌لی دوغوشلاردا (۵، ۶ و داها چوخ) آغیرلاشمالارا داها تئز راست گلینیر. بو زامان دؤلون ساغری گلیشی، مامالیق قاناخمالاری (جیفتین واختین‌دان اول قوپماسی، هیپوتونیک و آتونیک قاناخمالار)، واختین‌دان اول دوغوشلار و س. پاتولوگییالار اولا بیلر».

نیگار آخوندووا بیلدیریب کی، دؤل سایینین چوخ اولماسی دوشوکلرین و واختین‌دان اول دوغوشلارین ریسکینی آرتیریر:

«نؤوبتی ریسک قروپونا چوخدؤل‌لو هامیله‌لیک عاییددیر. دؤل سایینین چوخ اولماسی دوشوکلرین و واختین‌دان اول دوغوشلارین ریسکینی ۴۰ فایزدک آرتیریر، هامیله قادین‌دا ایسه داها چوخ تضییق پروبلئملری، اؤدئملر و بؤی‌رک اینفئک‌سییالارینا راست گلینیر. نتیجه‌ده بو دا یئنی‌دوغولموشلارین آزچکی‌لی و بتنداخی‌لی پاتولوگییالار ایله دوغولماسینا سبب اولا بیلیر».

او، هامیللیین قادین اورقانیزمین‌ده بیر چوخ دییشیک‌لیکلره سبب اولدوغونو دا وورغولاییب:

«بورادا یاش فاکتورو، دوغوشون طبیعی و یا اوپئراتیو یوللا (قئیسرییه عملیاتی) آپاریلماسی، خصوصی آغیرلاشمالار، ائکستراگئنیتال و دیگر سببلرین رولو وار. هر بیر دوغوش قادین اوچون ایمتاهان‌دیر. تکرار هامیله قالماق، دونیایا ساغلام اوشاق گتیرمک و آغیرلاشمالارین سایینین آز اولماسی اوچون ان آزی ۱۲-۱۸ آی کئچمه‌لی‌دیر. بو مدت‌ده قادین اورقانیزمی برپا اولونوب، دیگر هامیله‌لییه حاضر اولا بیلر.

قادین رئپرودوک‌سییاسین‌دا، سؤزسوز کی، معین سرحدلر وار. ۱۸ یاش‌دان آشاغی و ۳۵-۳۸ یاش‌دان یوخاری اولان هامیله‌لر ریسک قروپونا عاییددیر. اما حیات اؤز قانونلارینی بیزه دیکته ائدیر. هئچ کس ایندی ۴۰-۴۵ و حتی ۵۰ یاشین‌دا هامیله‌یه تعجب ائتمیر. اینکیشاف ائتمیش اؤلکه‌لرده بو نورمال قبول ائدیلیر - قادین اؤز کاریئراسینی قورور و مادی-معنوی بازاسینی جدی حاضرلایان‌دان سونرا بو آددی‌می آتیر. اما تأسف کی، بیر چوخ حاللاردا بو گئج اولور و هامیله‌لیک یا هئچ باش وئرمیر، یا دا معین آغیرلاشمالارا سبب اولور. ان چوخ راست گلینه‌ن ایسه خروموسوم پاتولوگییالاری‌دیر. بیز هر بیر قادینا دستک اولمالی و تبابت‌ده ان سون تئخنولوگییالارین کمکی ایله (گئنئتیک آنالیزلر، اوسم، موختلیف سکرینینقلر، آمنیوسئنتئز، کوردوسئنتئز و س.) آغیرلاشما و خسته اوشاقلارین دوغولماسی ریسکینی بو قروپ هامیله‌لرده مینیموما سالمالیییق.

عمومیتله، ۲۰-۳۵ یاش آرالیغی قادین اورقانیزمی اوچون دونیایا ساغلام اوشاق گتیرمک باخیم‌دان ان اوپتیمال دؤوردور. هامیله‌لیک دؤورو آنا اولماغا هازیرلاشان هر بیر قادین اوچون هم فیزیولوژی، هم ده پسیخولوژی اولاراق دییشیک‌لیکلرین اولدوغو پروسئس‌دیر. عینی زامان‌دا، هامیله‌لیک فونون‌دا گله‌جک آنانین داورانیشین‌دا بیر سیرا دییشیک‌لیکلر فورمالاشیر. بونا گؤره ده گله‌جک آنا اوچون ان واجیب عامللردن بیری دوغوشا پسیخولوژی حاضرلیق‌دیر. بونا گؤره قادین هامیله‌لییه اؤنجه‌دن حاضرلان‌سا داها یاخشی اولار. بو، گله‌جک آتایا دا عاییددیر. چونکی والیدئینلرین ساغلام حیات طرزی، آلکوقول، سیقارئت و هر هان‌سی بیر زررلی وردیشلردن ایمتینا ائد‌رک دونیایا ساغلام کؤرپه گتیرمه‌یه، عینی زامان‌دا هامیللیین منفی آغیرلاشمالارین‌دان مومکون قدر قاچماغا ایمکان وئریر. همچینین، ۲-۳ آی اؤنجه‌دن فول تورشوسونون قبولو مصلحت گؤرولور».

گینئکولوقون سؤزلرینه گؤره، اگر قادین‌دا و کیشی‌ده هان‌سی‌سا خرونیکی خسته‌لیک وارسا موطلق اونو هکیمله مصلحت ائتمه‌لی‌دیلر:

«عائله قوران جوتلوکلر نیکاه‌دان اؤنجه معین ارثی خسته‌لیکلردن روتین اولاراق یوخلانیلیر. لاکین بعضی حاللاردا عائله دیگر پاتولوگییالاری گیزله‌دیر و بونلار سونرادان هامیله‌لیک آغیرلاشمالارینا و یا اوشاق‌دا آنادانگلمه قوسورلارا سبب اولور.

یوخاری‌دا قئید اولونانلارلا یاناشی، دوزگون قیدالانماق و بوتون هامیله‌لیک مدتین‌ده مئیوه-تروز، بالیق، سود محصوللارینا اوستونلوک وئرمک، قازلی ایچکیلر و قهوه‌نین، شیرنیات و خمیر یئمکلرین قبولونو مومکون قدر آزالتماق توصیه اولونور. بون‌دان علاوه، آچیق هاوادا گزینتی هامیله قادینلاردا اوکسیگئنه اولان تلباتی اؤدییر. قئید ائدیم کی، هامیللیین نورمال گئدیشین‌ده هامیله قادین ان آزی ۷-۸ دفعه هکیم مصلحتین‌دن کئچمه‌لی‌دیر».