خرچنگه قارشی پیوند بو اونیللیین سونونا قدر حاضر اولاجاق.

Axar.az خبر وئریر کی، بونو اکسفورد اونیورسیتتینین تدقیقاتچیسی جوناتان کووک دئییب.

«ایندی ان آزی ۱۰ شرکتین و مختلف یاناشما و استراتگیالارا مالیک آکادمیک دپارتامنتلرین اشتراک ائتدیی بیر یاریش وار. بو یاناشمالارین هر بیرینین اوستونلوکلری نظردن کئچیریلیر»، - عالم بیلدیریب.

اونون فکرینجه، بو اونیللیین سونونا قدر خرچنگه قارشی مناسب قیمته پیوند اولاجاق.

خرچنگدن اؤلوم حاللارینین ۷۰-۹۰ فایزینین متاستازلارا گؤره باش وئردیینی دئیه‌ن عالم قید ائدیب کی، پیوند ایممون سیستمینین داواملی رئاکسیاسی نتیجه‌سینده متاستازلارین یارانماسینین قارشیسینی آلماغا کمک ائد‌جک.

«سیچانلار اوزرینده آپاریلان تدقیقاتلار گؤستردی کی، متاستازلارین قارشیسینی تامامیله آلا بیلریک. کلینیک سیناقلارین بیرینجی مرحله‌سینین یاخین آیلاردا باشلاماسی گؤزلنیلیر»، - تدقیقاتچی وورغولاییب.