تومات پاستاسی (رب گوچه فرنگی)​ ترکیبین‌ده‌کی لیکوپئن سایه‌سین‌ده کیشیلرین خرچنگه قارشی مدافعه‌سینی یاخشیلاشدیریر.

Axar.az خبر وئریر کی، بو باره‌ده هکیم تامارا ایلینسکایا معلومات وئریب.

«کونسرولشدیریلمیش پومیدور و تومات پاستاسی تزه پومیدوردان داها چوخ لیکوپن احتیوا ائدیر، چونکی ایسیتمه اونون بوراخیلماسینی آرتیریر. او، همچینین لیکوپنین اورگانیزم طرفیندن اودولماسینی یاخشیلاشدیریر.

لیکوپن بیر چوخ علم آدامی طرفیندن بدن اوچون داها گوج‌لو آنتی-خرچنگ مدافعه‌سی حساب ائدیلیر. خصوصیله، لیکوپنین کیشی ساغلاملیغی و پروستات خرچنگینین قارشیسینین آلینماسیندا فایدالارینی تصدیقله‌یه‌ن بیر نئچه آراشدیرمانین نتیجه‌لری معلومدور.

مثلاً، شفیلد اونیورسیتتینین تدقیقاتچیلاری لیکوپنین ایسپرما کیفیتینی و بونونلا دا کیشیلرین محصولدارلیغینی یاخشیلاشدیردیغینی آشکار ائدیبلر.

تومات پاستاسی (رب گوچه فرنگی) لیکوپن سایه‌سینده کیشیلرین خرچنگدن قورونماسینی یاخشیلاشدیریر ، دؤش و پروستات شیشلرینین اینکیشافینی لنگیدیر. شیشین بؤیومه‌سینه سبب اولان سیگنال یوللارینی مانعه تؤرتدیی آشکار ائدیلمیشدیر.