یئمیی داها دا دادلی ائتمک اوچون بعضی علاوه‌لردن ایستیفاده اولونور. متخصصلر بیلدیریرلر کی، ایستیفاده ائدیله‌ن بو ماده‌لر ساغلاملیغی بؤیوک اؤلچوده تهدید ائدیر.

Kult.az خبر وئریر کی، یمکلرین دادینی و قیدا دیرینی آرتیران ات و تویوق بولیونلاری بو سیاهییا داخیلدیر.

بیر چوخ اینسان ات و تویوق بولیونونون حاضرلانماسینین چتین اولدوغونو دوشونور. بو سببله حاضر بولیونلاردان ایستیفاده‌یه اوستونلوک وئریرلر.

بولیونلارین ترکیبینده "مونو ناتریوم گلوتامات" (م.س.گ) آدلی ضررلی ماده وار. "چین دوزو" آدلانان بو ماده متخصصلر طرفیندن تهلوکه‌لی حساب ائدیلیر. بیر چوخ خسته‌لیکلر یاراداراق اورگانیزمی محو ائد‌ن همین بو محصولون ضری چوخ‌دور.

بولیونلاردا اولان و یئمکلره ات لذتی وئرمک اوچون ایستیفاده ائدیله‌ن م.س.گ اینسانین مرکزی سینیر سیستمینی زدلییر. آلزایمر، پارکینسون، اپیلپسییا و هونتینگتون کیمی خسته‌لیکلرینه سبب اولور.

بولیونلار عینی زامان‌دا معده‌آلتی وزینین زده‌له‌نمه‌سی، گؤزون تور قیشاسیندا بؤیومه، پیله‌نمه، بؤیرک و قاراجیر خسته‌لیکلرینه، اینسولین آرتیمی کیمی ساغلاملیق پروبلملرینه سبب اولور.

خصوصیله حامیله‌لیک دؤورونده بو محصوللارین ایستیفاده‌سی متخصصلر طرفیندن چوخ الوئریشسیز حساب ائدیلیر. بو دؤورده ترکیبینده م.س.گ اولان قیدالارین ایستهلاکینین ان بؤیوک ضری اونون جیفتی زده‌له‌مه‌سی و بیرباشا کؤرپه‌یه زیان وئرمه‌سی‌دیر.